سیشن کورٹ نے ٹک ٹاکر ریمبو سمیت 7 ملزمان کی درخواست ضمانت پر فیصلہ سنادیا
لاہور(ڈیلی پاکستان آن لائن)سیشن عدالت نے مینار پاکستان میں عائشہ اکرم کے ساتھ دست درازی کے معاملے میں ملزم ریمبو سمیت سات ملزمان کی بعد از گرفتاری ضمانتیں خارج کردی ہیں۔
تفصیلات کے مطابق ایڈیشنل سیشن جج اخلاق احمد نے عائشہ اکرم کیس میں گرفتار ملزم ریمبو سمیت سات ملزمان کی ضمانتوں کے حوالے سے درخواست کی سماعت کی ۔پراسیکیوٹر ساجد سعید بھٹی نے دلائل دیتے ہوئے استدعات کی کہ ملزمان کے خلاف ثبوت عدالت میں پیش کر دیے گئے ہیں جبکہ عدالت ملزمان کی ضمانتیں خارج کرنے کا حکم جاری کرے ۔
واضح رہے کہ سانحہ گریٹر اقبال پارک میں عائشہ اکرم نے اپنے ہی ساتھی کویہ کہہ کر پکڑوا دیا تھا کہ ریمبو کا تیرہ افراد پر مشتمل گینگ دو سال سے بلیک میل کررہا تھا۔
