عبادت کرنیوالے چھوٹے جرائم سے دور ہوتے جاتے ہیں:تحقیق

عبادت کرنیوالے چھوٹے جرائم سے دور ہوتے جاتے ہیں:تحقیق
عبادت کرنیوالے چھوٹے جرائم سے دور ہوتے جاتے ہیں:تحقیق

  



لندن (ویب ڈیسک) برطانیہ میں ہونیوالے ایک نئی تحقیق میں یہ بات سامنے آئی ہے کہ عبادت گاہوں میں باقاعدگی سے جانے والے افرادکا چھوٹے جرائم میں ملوث ہونے کا امکان بہت کم ہوجاتا ہے۔ تحقیق کے مطابق عبادت گاہوں میں جانے اور چھوٹے پیمانے کے جرائم کی شرح میں براہ راست تعلق موجود ہے، خصوصاً ایسے افراد دکانوں سے چیزیں اٹھانے، منشیات کے استعمال اور غیر قانونی گانے ڈاﺅن لوڈ کرنے سے دور رہتے ہیں۔ محققین کا ماننا ہے کہ مذہب نہ صرف لوگوں کو اخلاق اور رویے بہتر بنانے میں مدد دیتا ہے بلکہ اپنے جیسے لوگوں کے ساتھ رہنے سے ان میں غلط صحبت کا خطرہ بھی کم ہوجاتا ہے۔ تحقیق کے دوران گرجا گھروں میں جانے والوں کے رویے کا جائزہ لیا گیا۔ محقق مارک لٹلر کے مطابق تحقیق سے یہ معلوم ہوتا ہے کہ عبادت گاہوں میں جانے سے لوگوں کی مثبت سوچ میں اضافہ ہوتا ہے اور وہ جرائم سے دور رہنا پسند کرتے ہیں۔

مزید : تفریح