ایک بجھاؤ ایک جلاؤ خواب کا کیا ہے | دانیال طریر|
ایک بجھاؤ ایک جلاؤ خواب کا کیا ہے
آنکھوں میں رکھ کر سو جاؤ خواب کا کیا ہے
شیلف پہ الٹا کر کے رکھ دو اور بسرا دو
گل دانوں میں پھول سجاؤ خواب کا کیا ہے
خواب کا کیا ہے رات کے نقش و نگار بناؤ
رات کے نقش و نگار بناؤ خواب کا کیا ہے
نیند ملی ہے گڑ سے میٹھی شہد سے شیریں
گاؤ ناچو ناچو گاؤ خواب کا کیا ہے
ایک کباڑی گلیوں گلیوں آواز لگائے
راکھ خریدو آگ کے بھاؤ خواب کا کیا ہے
شاعر: دانیال طریر
(شعری مجموعہ"لایعنیت کا انکار" :سال اشاعت،2012)
Aik Bujhaao Aik Jalaao Khaab Ka Kaya Hay
Aankhon Men Rakh Kar So Jaao Khaab Ka Kaya Hay
Shelf Pe Ulta Kar Rakh Do Aor Bisraa Do
Gul Daanon Men Phool Sajaao Khaab Ka Kaya Hay
Khaab Ka Kaya Hay Raat K Naqsh-o-Nigaar Banaao
Raat K Naqsh-o-Nigaar Banaao Khaab Ka Kaya Hay
Neend Mili Hay Gurr Say Meethi Shehd Say Shereen
Gaao , Naacho , Naacho Gaao , Khaab Ka Kaya Hay
Aik Kabaarri Galion Galion Waaj Lagaaey
Raakh Khareedo Aag K Bhaao Khaab Ka Kaya Hay
Poet: Daniyal Tareer