بلا جواز نہیں ہے فلک سے جنگ مری | دانیال طریر|
بلا جواز نہیں ہے فلک سے جنگ مری
اٹک گئی ہے ستارے میں اک پتنگ مری
پھر ایک روز مرے پاس آ کر اس نے کہا
یہ اوڑھنی ذرا قوس قزح سے رنگ مری
میں چیختے ہوئے صحرا میں دور تک بھاگا
نہ جانے ریت کہاں لے گئی امنگ مری
فنا کی سرخ دوپہروں میں رقص جاری تھا
رگیں نچوڑ رہے تھے رباب و چنگ مری
لہو کی بوند گری روشنی کا پھول کھلا
پھر اس کے بعد کوئی اور تھی ترنگ مری
شاعر: دانیال طریر
(شعری مجموعہ"لایعنیت کا انکار" :سال اشاعت،2012)
Bila Jawaaz Nahen Hay Falak Say Jang Miri
Attak Gai Hay Sitaray Men Ik Pitang Miri
Phir Aik Roz Miray Paas Aa Kar Us Nay Kaha
Yeh Aorrhni Zara Qaos Qazaah Say Rang Miri
Main Cheekhtay Huay Sehraa Men Door Tak Bhaaga
Na Jaanay Rait Kahan Lay Gai Umang Miri
Fanaa Ki Surkh Dopahron Men Raqs Jaari Tha
Ragen Nichorr Rahay Thay Rubaab-o-Chang Miri
Lahoo Ki Boond Giri Raoshni Ka Phool Khila
Phir Uss K Baad Koi Aor Thi Umanng Miri
Poet: Daniyal Tareer