وسیم اکرم اور شعیب اختر کے بعد ایک اور پاکستانی کرکٹر نے ’NFT‘ کی ڈیجیٹل د نیا میں قدم رکھ دیا 

وسیم اکرم اور شعیب اختر کے بعد ایک اور پاکستانی کرکٹر نے ’NFT‘ کی ڈیجیٹل د نیا ...
وسیم اکرم اور شعیب اختر کے بعد ایک اور پاکستانی کرکٹر نے ’NFT‘ کی ڈیجیٹل د نیا میں قدم رکھ دیا 

  

لاہور(ڈیلی پاکستان آن لائن )قومی کرکٹ ٹیم کے فاسٹ باولر محمد عامر نے بھی ’NFT‘ کی دنیا میں قدم رکھ دیا ۔مائیکرو بلاگنگ ویب سائٹ ٹوئٹر پر محمد عامر نے ڈیجیٹل کرئیٹرز کو دعوت دی کہ میرے کرکٹ کیئرئیر کی ہائی لائیٹس کا ٹوکن بنائیں اور اپنی این ایف ٹی کا سفر شروع کریں ۔

واضح رہے کہ اس سے قبل شعیب اختر اور وسیم اکرم بھی اس میدان میں آ چکے ہیں ۔شعیب اختر نے اعلان کیا تھاکہ وہ ’دنیا کی پہلی کرکٹ این ایف ٹی مارکیٹ‘ متعارف کرانے جا رہے ہیں اور جلد ان کے این ایف ٹیز کی نیلامی ہو گی۔ یعنی جو شخص یہ این ایف ٹی خریدے گا وہ آن لائن مواد جیسے 'اوریجنل' تصاویر یا ویڈیوز کا اصل مالک تصور کیا جائے گا۔ٹوئٹر پر اپنی ویڈیو میں راولپنڈی ایکسپریس کا کہنا تھا کہ ’میں آ رہا ہوں کرپٹو اور بلاک چین کی دنیا میں۔ کہیں سے بھی لانچ کر سکتا تھا لیکن پاکستان میرا فخر ہے۔‘

شعیب اختر کا یہ اعلان ایک ایسے وقت میں آیا تھا کہ جب پاکستان کے بہترین کرکٹرز میں سے ایک وسیم اکرم سے اپنے این ایف ٹیز کی نیلامی کر رہے ہیں۔لیکن آپ بھی سوچ رہے ہوں گے کہ پاکستان کے سابق کرکٹرز اچانک بلاک چین ٹیکنالوجی اور کرپٹو کرنسی میں دلچسپی کیوں لینے لگے۔دراصل ان کے پیچھے ٹینپ اور بائنانس جیسی کمپنیاں ہیں جو کرکٹ فینز کے ذریعے ڈیجیٹل آرٹ اور آن لائن مواد کی این ایف ٹی میں خرید و فروخت کو پاکستان میں بھی متعارف کرانا چاہتی ہیں۔بات یہیں تک محدود نہیں بلکہ شعیب اختر اور وسیم اکرم کی طرح دنیا بھر میں مختلف کھیلوں کے کچھ معروف کھلاڑی پیسے بنانے کے لیے اپنے ڈیجیٹل اثاثوں کی نیلامی کر رہے ہیں۔

مزید :

کھیل -