اوگرا نے پٹرولیم مصنوعات کی قیمتوں میں کمی کی تجویز دے دی

اسلام آباد (مانیٹرنگ ڈیسک) آئل اینڈ گیس ریگولیٹری اتھارٹی ( اوگرا) نے پٹرولیم مصنوعات کی قیمتوں میں کمی کی سمری وزارت پٹرولیم کو بھجوا دی ہے۔ جیو نیوز کے مطابق سمری میں پٹرول کی قیمت میں 6 روپے 52 پیسے فی لیٹر، مٹی کے تیل کی قیمت میں 5 روپے 16 پیسے فی لیٹر اور ڈیزل کی قیمت میں 4 روپے 76 پیسے فی لیٹر اور لائٹ ڈیزل کی قیمت میں 5 روپے 30 پیسے کمی کی تجویز دی گئی ہے۔