عمرکوٹ میں کورونا کا ایک اور کیس
عمرکوٹ (سید ریحان شبیر )عمرکوٹ میں کورونا کاایک اورکیس پازیٹو آگیا، گاؤں نبی سر کا 30 سالہ دھنیش ولد خوشحال داس مالھی کاکوروناٹیسٹ پازٹیوآگیا جس کےبعد دھنیش کمار ولد خوشحال کوگورنمنٹ ڈگری کالج میں قائم قرنطینہ سینٹرمنتقل کردیا گیاہےجبکہ محکمہ ہیلتھ عمرکوٹ کے ذرائع کے مطابق قرنطینہ کیےگئے افراد میں چھیالیس افراد کے ٹیسٹ کی رپورٹ نیگیٹو آگئی ، چند افراد کی ابھی رپورٹ آنا باقی ہے ۔
تفصیلات کےمطابق عمرکوٹ میں کوروناوائرس کاایک کیس اورپازیٹوآگیا اس ضمن میں ملنے والی تفصیلات کےمطابق گاؤں نبی سرکےتیس سالہ نوجوان دھنیش ولد خوشحال کی کورونارزلٹ پازیٹوآگئی جس کےبعد دھنیش کوگورنمنٹ ڈگری کالج عمرکوٹ میں قائم قرنطینہ سینٹرمنتقل کردیادوسری طرف عمرکوٹ میں کوروناکے شک میں قرنطینہ کیےگئے افراد اور عمرکوٹ کےگاؤں الھڈنو مہر کے پچیس افراد کی کورونا ٹیسٹ کے رزلٹ آنا شروع ہوگئے ہیں جس میں محکمہ ہیلتھ کے ذرائع مطابق چھیالیس افراد کے کورونا وائرس کےٹیسٹ نیگیٹو آگئے ہیں ۔
یہ امر قابل ذکر ہےکہ چند روز قبل عمرکوٹ کےگاؤں الھڈنو مہر میں ایک خاتون مسمات عصمت زوجہ علی حسن مہر کو زچگی کےلیے سی ایم ایچ چھور لایا گیا تھا جہاں کورونا کےشک کی بناپر خاتون عصمت کا کوروناکا ٹیسٹ لیا گیا تھا جس رپورٹ پازیٹیو آنےکےبعد مسمات عصمت کو مزید علاج معالجے کےلیے سی ایم حیدرآباد منتقل کردیا گیا تھا جس کےبعد محکمہ ہیلتھ عمرکوٹ کی اسپیشل کورونا ڈاکٹرز کی ٹیم نےکورونا کی مریض مسمات عصمت کی ساس شوہر علی حسن اور نومولود بچی سمیت چھور سی ایم ایچ کے ڈاکٹر ، اسٹاف نرس ،ٹیکنیشن ،وغیرہ کی کورونا ٹیسٹ کا رزلٹ نیگیٹو آگیا ہے جبکہ محکمہ ہیلتھ عمرکوٹ نے مسمات عصمت کا دوبارہ کورونا ٹیسٹ کرانے کا فیصلہ کیا ہے مسمات عصمت سی ایم ایچ حیدرآباد میں زیرعلاج ہےجہاں اب مسمات عصمت کی طبیعت بہتر بتائی جاری ہے۔
