سیاسی جماعتوں کیلئے الیکشن کمیشن میں اثاثوں کی تفصیلات جمع کرانے کا آج آخری دن

سیاسی جماعتوں کیلئے الیکشن کمیشن میں اثاثوں کی تفصیلات جمع کرانے کا آج آخری ...

اسلام آباد ( اے این این ) سیاسی جماعتوں کی الیکشن کمیشن میں اثاثوں کی تفصیلات جمع کرانے کا آج ( پیر کو ) آخری دن ہے،29اگست تک اثاثوں کی تفصیلات جمع نہ کرانے والی سیاسی جماعتوں کو انتخابات میں حصہ لینے کی اجازت نہیں ہوگی۔الیکشن کمیشن سے جاری اعلامیہ کے مطابق پولیٹیکل پارٹیز ایکٹ 2002 کے آرٹیکل 13 کے مطابق تمام سیاسی جماعتیں مالی سال ختم ہونے کے 60 روز کے اندر پارٹی اثاثہ جات کی تفصیلات جمع کرانے کی پابند ہیں۔اعلامیے کے مطابق سیاسی جماعتیں ذرائع آمدن اور فنڈز سمیت پارٹی کی مالی پوزیشن سے متعلق تفصیلات بھی 29 اگست تک فراہم کریں۔ گوشوارے جمع نہ کرانے والی سیاسی جماعتوں کو انتخابی نشانات الاٹ نہیں کئے جائیں گے۔

مزید : صفحہ اول