سعودی وزیر دفاع اسلام آباد پہنچ گئے،نواز شریف سے ملاقات

سعودی وزیر دفاع اسلام آباد پہنچ گئے،نواز شریف سے ملاقات

اسلام آباد (مانیٹرنگ ڈیسک)وزیراعظم نوازشریف سے سعودی وزیر دفاع شہزادہ محمد بن سلمان بن عبدالعزیزآل سعود نے ملاقات کی جس میں دو طرفہ تعلقات سمیت باہمی دلچسپی کے امور پر تبادلہ خیال کیا گیا۔نجی ٹی وی کے مطا بق سعودی وزیر دفاع شہزادہ محمد بن سلمان بن عبدالعزیزآل سعود پاکستان کے ایک روزہ دورے پر اسلام آباد پہنچے ، جس کے بعد انھوں نے وزیراعظم نوازشریف سے ملاقات کی۔سعودی وزیر دفاع وزیر اعظم ہاؤس پہنچے تو نواز شریف نے ان کااستقبال کیا ، اس موقع پر وفاقی وزراء ، ارکان پارلیمنٹ اور مسلح افواج کے سربراہان بھی موجود تھے۔اس سے قبل سعودی وزیر دفاع شہزادہ محمد بن سلمان بن عبدالعزیزآل سعود کا ائیرپورٹ پر وزیر دفاع خواجہ محمد آصف نے پرتپاک استقبال کیا اس موقع پر سعودی سفیر اور دیگر اعلی حکام بھی موجود تھے۔ائیرپورٹ پر بچوں نے سعودی وزیر دفاع کو گلدستہ بھی پیش کیا۔سعودی وزیر دفاع شہزادہ محمد بن سلمان بن عبدالعزیزآل سعود اپنے دورے کے دوران اعلی پاکستانی حکام سے ملاقاتیں کرینگے۔ وزیر دفاع خواجہ محمد آصف بھی مہمان سعودی وزیر سے ملاقات کریں گے،جس میں دوطرفہ دلچسپی کے امور باہمی تعلقات اور دفاعی شعبے میں تعاون اورفروغ پر بات چیت ہوگی۔

مزید : صفحہ اول