A PHP Error was encountered

Severity: Notice

Message: Undefined offset: 0

Filename: frontend_ver3/Sanitization.php

Line Number: 1246

Error

A PHP Error was encountered

Severity: Notice

Message: Undefined offset: 2

Filename: frontend_ver3/Sanitization.php

Line Number: 1246

سپاہی مقبول حسین کی نماز جنازہ آج ادا کی جائے گی

سپاہی مقبول حسین کی نماز جنازہ آج ادا کی جائے گی

Aug 29, 2018 | 09:59:AM

اٹک(ڈیلی پاکستان آن لائن) 1965 کی جنگ کے ہیرو اور 40 سال تک بھارتی جیلوں میں قید رہنے والے سپاہی مقبول حسین کی نماز جنازہ آج ادا کی جائے گی، پاک فوج کا کہنا ہے کہ ان کی تدفین فوجی اعزاز کے ساتھ کی جائے گی۔

وطن کی خاطر زندگی کی چار دہائیاں دشمن کی قید میں گزارنے اور بدترین تشدد سہنے والے سپاہی مقبول حسین کا انتقال گزشتہ روز کمبائنڈ ملٹری ہسپتال ( سی ایم ایچ ) اٹک میں ہوا جہاں وہ زیر علاج تھے۔

مقبول حسین کو 1965 میں بھارتی فوج نے قید کرلیا تھا اور وہ 40 سال تک بھارت کی مختلف جیلوں میں رہے۔ مقبول حسین کو 2005 میں بھارتی قید سے رہائی ملی۔ کہنہ سالی کے باوجود جوانوں جیسے جذبہ کا مظاہرہ کرنے اور وطن کی خاطر سب کچھ سہنے کے اعتراف میں مقبول حسین کوستارہ جرات سے بھی نوازا گیا تھا۔

پاک فوج کے شعبہ تعلقات عامہ ( آئی ایس پی آر ) کے مطابق آرمی چیف جنرل قمر جاوید باجوہ نے سپاہی مقبول حسین کے انتقال پر گہرے دکھ اور افسوس کا اظہار کیا ہے۔

بھارتی قید کے دوران مقبول حسین سے راز اگلوانے کےلئے انہیں بدترین تشدد کا نشانہ بنایا گیا تھا اور ناکامی پر ان کی زبان کاٹ دی گئی تھی۔

مزیدخبریں