”مجھے اس نام سے بلایا اور لکھا جائے۔۔۔“ وزیراعظم عمران خان کی جانب سے بڑا فرمان جاری ہو گیا

”مجھے اس نام سے بلایا اور لکھا جائے۔۔۔“ وزیراعظم عمران خان کی جانب سے بڑا ...
”مجھے اس نام سے بلایا اور لکھا جائے۔۔۔“ وزیراعظم عمران خان کی جانب سے بڑا فرمان جاری ہو گیا

  

اسلام آباد (ڈیلی پاکستان آن لائن) وفاقی حکومت کی جانب سے سرکاری فرمان جاری ہو گیا ہے کہ وزیراعظم عمران خان کو سرکاری طور پر عمران احمد خان نیازی نہیں بلکہ صرف عمران خان لکھا و پکارا جائے۔

میڈیا رپورٹس کے مطابق وزیراعظم عمران خان کی جانب سے اس حوالے سے ہدایات دی گئی تھیں جن پر عمل کرتے ہوئے کیبنٹ سیکرٹری کی جانب سے نوٹیفکیشن بھی جاری کر دیا گیا ہے جس میں کہا گیا ہے کہ وزیراعظم کو عمران احمد خان نیازی نہیں بلکہ عمران خان لکھا جائے۔

وزیراعظم عمران خان نے فیڈرل کیبنٹ سیکرٹری فیض احمد کو اس حوالے سے ہدایات جاری کی تھیں کہ تمام اداروں کو یہ ہدایات جاری کر جائیں جس پر کابینہ سیکرٹری نے نوٹیفکیشن جاری کر دیا ہے اور تمام ممالک میں پاکستانی سفارت خانوں، سفارتی مشن اور ہائی کمیشنز کو بھی یہ ہدایات جاری کر دی گئی ہیں۔

رپورٹ کے مطابق نوٹیفکیشن میں پاکستان کے تمام وفاقی اور صوبائی اداروں، چاروں صوبوں کے گورنرز، وزراءاعلیٰ، چیف سیکرٹریز، آئی جیز اور وفاقی سیکرٹریز کو بھی ہدایات جاری کر دی گئی ہیں کہ وزیراعظم کا سرکاری نام عمران احمد خان نیازی نہیں بلکہ عمران خان ہو گا۔

مزید :

قومی -ڈیلی بائیٹس -علاقائی -اسلام آباد -