”اعتزاز احسن کی دوسر ی مرتبہ بے عزتی ۔۔۔“کائرہ نے ن لیگ کو کھر ی کھری سنا دیں

”اعتزاز احسن کی دوسر ی مرتبہ بے عزتی ۔۔۔“کائرہ نے ن لیگ کو کھر ی کھری سنا دیں
”اعتزاز احسن کی دوسر ی مرتبہ بے عزتی ۔۔۔“کائرہ نے ن لیگ کو کھر ی کھری سنا دیں

  

لاہور (ڈیلی پاکستان آن لائن)پیپلز پارٹی کے رہنما قمر زمان کائرہ نے کہاہے کہ ہم کوئی مسلم لیگ ن کے اتحادی نہیں بلکہ مخالف سیاسی جماعت ہیں ، مسلم لیگ ن کے خلاف 35برس سے الیکشن لڑ رہے ہیں، نام واپس لیکر اعتزاز احسن کی دوسری مرتبہ بے عزتی نہیں کرنا چاہتے ۔

دنیا نیوز کے پروگرام ”آن دافرنٹ‘ ‘ میں گفتگو کرتے ہوئے قمر زمان کائرہ نے کہا کہ ہم کوئی مسلم لیگ ن کے اتحادی نہیں تھے جو ہم الگ ہور ہے ہیں، جس طرح ہم نے تحریک انصاف کے خلاف الیکشن لڑا ، اس طرح ہم نے مسلم لیگ ن کے خلاف بھی الیکشن لڑا تھا ۔ انہوں نے کہا کہ الیکشن کے بعد دھاندلی کے حوالے سے تعاون پر اتفاق ہوا تھا، اعتزاز احسن صدر پاکستان کے لئے بہترین شخص ہیں۔ انہوں نے کہا کہ صدارتی امیدوار کے لئے نام ہم نے دیا تھا اور ان پر مسلم لیگ ن کیوں نہیں مان رہی کیا اعتزاز احسن میں کوئی خامی ہے ؟ مولانا فضل الرحمان تو صلح کے لئے کردار ادا کررہے تھے جن کو مسلم لیگ ن نے امیدوار بنادیا ۔انہوں نے کہا کہ اگر پرویزرشید نے جیل میں نواز شریف سے معافی مانگنے والا بیان نہ دیاہوتا تو ہم شائد اعتزاز احسن کا نام واپس لے لیتے لیکن اب ہم اعتزاز احسن کا نام واپس لیکر ان کی مسلم لیگ ن کے کہنے پر دوسری مرتبہ بے عزتی نہیں کرنا چاہتے ۔ انہوں نے کہا کہ ہم مسلم لیگ ن کی مخالف جماعت ہیں اور 35برس سے ان کے خلاف الیکشن لڑرہے ہیں ۔ اس لئے ہم پر تنقید کرتے ہوئے خدا کا خوف کیا جائے ہم مخالف سیاسی جماعتیں ہیں کوئی اتحادی نہیں ہیں جو اتحاد توڑ رہے ہیں۔

مزید :

قومی -