کوہاٹ میں تیل و گیس کے نئے ذخائر دریافت

کوہاٹ میں تیل و گیس کے نئے ذخائر دریافت

  

اسلام آباد(پ ر)آئل اینڈ گیس ڈویلپمنٹ کمپنی لمیٹڈ (او جی ڈی سی ایل) نے ایکسپلوریٹری کنواں سیاب 1، ضلع کوہاٹ خیبر پختونخواہ سے گیس اور کنڈنسیٹ کے ذخائر دریافت کر لئے ہیں۔ باراتی بلاک ایک  مشترکہ منصوبہ ہے، جس میں او جی ڈی  ڈی سی ایل بطور آپریٹر 97.5 فیصد اور خیبر پختونخواہ آئل اینڈ گیس کمپنی لمیٹڈ (کے پی او جی سی ایل) 2.5 فیصڈ فیصد کی  حصہ دار ہیں۔  او جی ڈی سی ایل کی ضلع کوہاٹ میں تیل و گیس کی تیسری شاندار کامیابی ہے۔ سیاب کنواں نمبر 1 کی کھدائی اور ساخت او جی ڈی سی ایل نے اپنے ٹیکنیکل ماہرین انجنئیرز پر انحصار کرتے ہوئے مکمل کیا۔ کنویں کی کھدائی5500 میٹر تک کی گئی۔ اوپن ہول لاگز ڈیٹا پر مبنی تجزیے کے مطابق یہاں سے ابتدائی طو ر پر 32/64 چوک کے ذریعے یومیہ  1.6 ملین مکعب اسٹینڈرڈ کیوبک فٹ (ایم ایم ایس سی ایف ڈی) گیس  اور 12 بیرل کنڈنسیٹ کی پیداوار حاصل ہو گی۔ جبکہ اس ویل کا ہیڈ فلوئینگ دباو190  پاونڈز فی مربع انچ ( پی ایس آئی) ہے۔ سیاب کنواں نمبر 1 کی دریافت  او جی ڈی سی ایل کے ماہرین کی کامیاب ایکسپلوریشن منصوبہ بندی اور شاندار حکمت عملی کا نتیجہ ہے۔ جس سے او جی ڈی سی ایل اور کے پی او جی سی ای

ل کے ہائیڈروکاربن کے ذخائر میں خاطر خواہ اضافہ ہو گااور ملک میں تیل اور گیس کے طلب و رسد کے فرق کو کم کرنے میں بہت مدد ملے گی۔ 

مزید :

کامرس -