مظلومِ دو جہاں پہ کہوں مرثیہ ، مجال
مظلومِ دو جہاں پہ کہوں مرثیہ ، مجال
کھینچوں لبِ فرات پہ میں حاشیہ، مجال
کیسے دکھاؤں کوئی نیا زاویہ، مجال
میرے قلم کی نوک سے وہ المیہ ، مجال
مولیٰ علیؑ مدد کہ تمہارے کرم پہ میں
چلنے لگا انیسؔ کے نقشِ قدم پہ میں
ہے زخم زخم لالہ و گل کا بدن تمام
پھولوں سے تتلیوں کا معطل ہوا کلام
سہما ہوا کھڑ ا ہے ہواؤں کا بھی خرام
یکساں گزر رہی زمانے میں غم کی شام
ہونے کو ہے زمیں پہ قیامت کا واقعہ
صبحِ ابد تلک کی ندامت کا واقعہ
گھوڑوں پہ ہے سوار قرینے سے وہ حسینؑ
نکلا ہے نکہتوں کے خزینے سے وہ حسینؑ
خوشبو خجل ہو جس کے پسینے سے وہ حسینؑ
کوفہ کو چل پڑا ہے مدینے سے وہ حسینؑ
بڑھنے لگی ہے جانبِ کربل ستم کی شام
ذوالحج سے جا ملی ہے محرم کے غم کی شام
پہنچا وہ شہسوارِ خدا کربلا میں ہے
وہ خیمہ زن بہارِ وفا کربلا میں ہے
آلِ نبی کی حمد و ثنا کربلا میں ہے
یعنی نسیمِ بادِ صبا کربلا میں ہے
ہائے وہ ریگزار وہ گرمی وہ سرخ دھوپ
سنولا دیاہے جس نے قیامت کا رنگ و روپ
اترا لبِ فرات ہے سورج زمیں پر
یعنی بنا ہے دھوپ کا مخرج زمین پر
تانبہ بنی ہے آگ کی سج دھج زمین پر
ملتی نہیں ہے چھاؤں کو دھیرج زمین پر
اُس ریگزار میں ہے محمؐد کا لاڈلہ
یہ کس دیا ر میں ہے محمؐد کا لاڈلہ
منصور آفاق
Mazloom e Dojahaan Pe Kahun Marsiaa Majaal
Khainchun Lab e Furaat Pe main Haashia Majaal
Kaisay Dikhaaun Koi Naya Zaavia Majaal
Meray Qalam Ki Noke Say Wo Almiaa Majaal
Mola ALI Madad keh Tumhaaray Karam Pe Main
Chalnay Laga Anees K Naqsh e Qadam Pe Main
Hay Zakham Zakhm Laala o Gull Ka Badan Tamaam
Phulon Say Titliun Ka Muattal Hua Kalaam
Sehma Hua Kharra Hay hawaaon Ka Bhi Kharaam
Yaksaan guzarrahi Hay Zamaanay Men Gham Ki Shaam
Honay Ko Hay Zameen Pe Qayaamat Ka waaqia
Subh e Abad Talak Ki Nadaamat Ka Waaqia
Ghorray Pe Hay Sawaar Qareenay Say Wo HUSSAIN
Nikla Hay Nikhaton K Kahzeenay Say Wo HUSSAIN
Khushbu Khajil Ho Jiss K Paseenay Say Wo HUSSAIN
Koofa Ko Chall Parra Hay Madeenay Say Wo HUSSAIN
Barrnay Lagi Hay jaanib e Karbal Wo Gham Ki Shaam
Zulhajj Say Ja Milli hay Muharram K Gham Ki Shaam
Pahuncha Wo Shehsawaar e Khuda karbalaa Men Hay
Wo Khaima Zan Bahaar e Wafa Karbalaa Men Hay
Aal e NABI Ki Hamd o Sanaa Karbalaa Men Hay
Yaani Naseem e Baad e Saba Karbalaa Men Hay
Haaey Wo Regzaar, Wo Garmi , Wo Surkh Dhoop
Sanwlaa Dia Hay Jiss Nay Qayaamat Ka Rang o Roop
Utra Lab e Furaat Hay Suraj Zameen Par
Yaani Bana Hay Dhoop Ka Makhraj Zameen Par
Taanba Bani Hay Aag Ki Saj Dhajj Zameen Par
Milti Nahen Hay Chhaaon Ko Dherajj Zameen Par
Uss Raigzaar Men hay MUHAMMAD ka Laadla
Yeh Kiss Diayaar Men Hay MUHAMMAD Ka Laadla
Mansoor Afaq