”یہ دیکھیں محمد عامر کیا کر رہے ہیں“ مایہ ناز فاسٹ باﺅلر انگلینڈ کیخلاف پہلے میچ میں غلطی کر بیٹھے، بھارتی شکایتیں لگانے لگے

”یہ دیکھیں محمد عامر کیا کر رہے ہیں“ مایہ ناز فاسٹ باﺅلر انگلینڈ کیخلاف ...
”یہ دیکھیں محمد عامر کیا کر رہے ہیں“ مایہ ناز فاسٹ باﺅلر انگلینڈ کیخلاف پہلے میچ میں غلطی کر بیٹھے، بھارتی شکایتیں لگانے لگے

  

مانچسٹر (ڈیلی پاکستان آن لائن) پاکستان کرکٹ ٹیم کے فاسٹ باﺅلر محمد عامر انگلینڈ کیخلاف پہلے ٹی 20 میچ کے دوران گیند کو تھوک لگانے کی غلطی کا اارتکاب کیا کر بیٹھے، بھارتیوں نے ان کی شکایتیں لگانا شروع کر دی ہیں۔ 

تفصیلات کے مطابق جمعہ کے روز پاکستان اور انگلینڈ کے درمیان تین ٹی 20 میچز پر مشتمل سیریز کے پہلے میچ میں محمد عامر گیند کو تھوک لگاتے ہوئے کیمرے کی آنکھ میں قید ہو گئے۔ محمد عامر نے ایسا ایک سے زائد بار کیا اور معاملہ علم میں آنے پر امپائرز نے فوراً گیند کو سینی ٹائز کیا۔ 

باﺅلرز عرصہ دراز سے گیند کو چمکانے کیلئے تھوک کا استعمال کرتے آ رہے ہیں تاہم کورونا وائرس کی موذی وباءکے باعث انٹرنیشنل کرکٹ کونسل (آئی سی سی) نے اس پر پابندی عائد کر رکھی ہے تاہم باﺅلرز غیر ارادری طور پر ایسا کر جاتے ہیں جس کا ماہرین کو بھی اچھی طرح اندازہ ہے لیکن بھارتی تو محمد عامر کی شکایت ہی لگانے پر تل گئے ہیں اور سوشل میڈیا پر ان کی تصاویر شیئر کر کے پاکستان کے سابق کرکٹرز اور آئی سی سی کو ٹیگ کرنے میں مصروف ہیں۔ 

مزید :

کھیل -