عوام کو مہنگائی اور لوڈشیڈنگ سے نجات دلانا ہو گی،عابد صدیقی

عوام کو مہنگائی اور لوڈشیڈنگ سے نجات دلانا ہو گی،عابد صدیقی

لاہور(جنرل رپورٹر) پیپلز پارٹی پنجاب کے ڈپٹی سیکرٹری اطلاعات عابد حسین صدیقی نے کہا ہے کہ عوام بجلی گیس کی مہنگائی اور لوڈشیڈنگ کے ستائے ہوئے ہیں انہیں اس عذاب سے نجات دلانا ہو گی موجودہ حکومت عوامی مسائل کے حل کیلئے صرف باتیں کر رہی ہے عملی طور پر کچھ نہیں کیا جا رہا۔ بجلی‘ گیس اور تیل کی قیمتوں نے عوام کی زندگی اجیرن کر دی ہے جس کے بعد لوگ فاقوں تک چلے گئے ہیں۔ جبکہ ٹیکس ،بجلی اور گیس چوری کرنے والوں کو کوئی پوچھنے والا نہیں

عام استعمال اور چھوٹی اشیاءمثلاً دودھ، مشروبات، چینی، گھی وغیرہ غریب عوام کی پہنچ دور ہو گئی ہیں، متوسط اور نچلا غریب طبقہ بری طرح متاثر ہو رہا ہے، ایک بیان میں انہوں نے کہا غریب اور متوسط طبقے پر بوجھ بڑھا کر اشرافیہ کےلئے پاکستان کو جنت بنا دیا گیا ہے۔

۔

ضرور پڑھیں: سوچ کے رنگ

 انہوں نے کہا کہ تعلیم اور صحت کے شعبوں میں بھی عوام کی مشکلات میں اضافہ کردیا گیا ہے۔ عوام کو سہانے خواب دکھانے والے اور غریبوں کی بات کرنے والے عوام کو زندہ درگور کر رہے ہیں۔

مزید : میٹروپولیٹن 4