امریکہ اور افغان طالبان کے درمیان معاہدے کی تقریب میں دنیا نے پاکستان کے کردار کو تسلیم کیا :وزیر خارجہ

امریکہ اور افغان طالبان کے درمیان معاہدے کی تقریب میں دنیا نے پاکستان کے ...
امریکہ اور افغان طالبان کے درمیان معاہدے کی تقریب میں دنیا نے پاکستان کے کردار کو تسلیم کیا :وزیر خارجہ

  



دوحا(ڈیلی پاکستان آن لائن )وزیر خا رجہ شاہ محمود قریشی نے کہا ہے کہ دنیا نے آج پاکستان کے کردار کو تسلیم کیا ،امریکی وزیر خارجہ سمیت دیگر ممالک نے پاکستان کے کلیدی کردار کو سراہا۔وزیر خارجہ شاہ محمود قریشی افغان طالبان اور امریکا کے درمیان ہونے والے امن معاہدے پر دستخط کی تقریب میں موجود تھے۔معاہدے کے بعد جیو نیوز سے گفتگو کرتے ہوئے ان کا کہنا تھا کہ امن معاہدہ افغانستان میں قیام امن اور مفاہمت آگے بڑھانے میں ایک اہم پیش قدمی ہے،پاکستان کے بغیر یہ دن ممکن نہیں تھا۔ انہوں نے کہا کہ امن معاہدے پر دستخط کے بعد بین الافغان مذاکرات کا آغاز ممکن ہوسکے گا، افغان جماعتیں اب پائیدار امن و استحکام کے لیے جامع سیاسی سمجھوتہ کریں گی جبکہ افغانستان کو تعمیر نو کے لیے عالمی برادری کی ضرورت ہوگی۔

قبل ازیں وزیرخارجہ کا کہنا تھا کہ میں آج بہت خوش ہوں، جو کچھ آج دیکھا، اس کے لیے ہم نے برسوں کا سفر طے کیا، آج کا دن تاریخی ہے اور امید کرتے ہیں کہ یہ معاہدہ پورے خطے میں امن کا باعث بنے گا۔انہوں نے کہا کہ پاکستان کی کوششوں کے بغیریہ امن معاہدہ ممکن نہ ہوتا۔

مزید : قومی