2015کے بلدیاتی الیکشن میں کامیاب ہونے والے یوسی 20کے چیئر مین راؤ شاہد اقبال دوبارہ گنتی میں بھی 16ووٹوں سے کامیاب ہوگئے
حاصل پور (نامہ نگار ) حالیہ بلدیاتی الیکشن میں راؤ شاہد اقبال یوسی قائم پو ر20میں 1789ووٹوں سے کامیاب ہوئے تھے ۔ ہارنے والے امیدوار سید سعادت حسین گیلانی نے1773(بقیہ نمبر12صفحہ12پر )
ووٹ لئے تھے ۔ الیکشن ٹربیونل میں دوبارہ گنتی کے لئے درخواست دی جس پر آج اے سی آفس حاصل پور میں راؤ شاہد اقبال دوبارہ 16ووٹوں سے کامیاب ہوگئے ۔ کامیابی کے بعد صحافیوں سے گفتگو کرتے ہوئے چیئرمین یوسی 20راؤ شاہد اقبا ل نے صحافیوں کو بتایا کہ عوام نے پہلے بھی میرے مخالف امید وار کو مسترد کیا تھا ۔ اب دوبارہ گنتی میں بھی الیکشن کمیشن نے مسترد کردیا ہے۔ کامیاب ہونے پر رانا مہتاب خاں ،چودھری نعیم الدین وڑائچ نواز خان عباسی چودھری خلیل احمد باجوہ ، چودھری ریاض احمد راؤ محمد کاشف اور دیگر نے مبارک باد دی۔