کپل شرما نے کامیڈی شو بند ہونے کی وجہ بتادی
ممبئی(ویب ڈیسک) بالی ووڈ کے معروف کامیڈین کپل شرما نے اپنا کامیڈی شو بند ہونے کی وجہ بتا دی۔بھارت بھر میں سب سے زیادہ دیکھنے جانے والے ’ کپل شرما ‘ کامیڈی شو سے متعلق کہا جا رہا تھا کہ شو بہت جلد بند ہونے جا رہا ہے۔ جس پر سونی ٹی وی نے وضاحت دیتے ہوئے کہا تھا کہ کورونا وائرس نے جہاں بہت سے لوگوں کو متاثر کیا وہیں اس شو کو بھی مالی مشکلات کا سامنا ہے۔
چینل انتظامیہ نے یہ بھی کہا تھا کہ کورونا وائرس کی وجہ سے فلمیں کم بن رہی ہیں اور وائرس پھیلنے کے خدشے کے باعث شو میں عوام کی شرکت پر بھی پابندی ہے جس کی وجہ سے فلموں کی تشہیر متاثر ہوئی ہے لہذا شو اگلے ماہ فروری تک بند کرنے کا فیصلہ کیا گیا ہے۔
Bcoz I need be there at home with my wife to welcome our second baby ???????? https://t.co/wdy8Drv355
— Kapil Sharma (@KapilSharmaK9) January 28, 2021
چینل کی جانب سے وضاحت دینے کے بعد اب کپل شرما نے بھی شو بند ہونے کی وجہ بتا دی۔ ٹویٹر پر ایک صارف نے کپل سے پوچھا کہ آپ شو بند کیوں کر رہے ہیں؟ جس پر کپل نے جواب دیا کہ مجھے ان دنوں گھر پر رہنے کی ضرورت ہے کیوں کہ میری زوجہ دوسری بار امید سے ہیں۔
boy or girl, tandrust ho bus ???? https://t.co/b29F51Bq0z
— Kapil Sharma (@KapilSharmaK9) January 28, 2021
کپل شرما نے اپنی ٹویٹ میں یہ بھی کہا کہ ہمیں بالکل بھی اندازہ نہیں ہے کہ بیٹا ہوگا یا بیٹی لیکن جو بھی ہو بس صحت مند اور تندرست ہو۔