شعیب ملک کی ریٹائرمنٹ کی مبارکباد پر ثانیہ مرزا کا جواب بھی آگیا
دبئی (ویب ڈیسک) بھارتی ٹینس سٹار اور شعیب ملک کی اہلیہ ثانیہ مرزا نے دو روز بعد اپنے شوہر کی ٹوئٹ کا جواب دے دیا۔
پاکستان کرکٹ ٹیم کے سابق کپتان اور ٹیسٹ کرکٹر شعیب ملک نے اپنی اہلیہ ثانیہ مرزا کے گرینڈ سلم کیریئر کے اختتام کے حوالے سے بیان جاری کیا تھا جس میں انہوں نے کہا کہ ' آپ اسپورٹس ویمن کے لیے ایک بہت بڑی امید ہیں، آپ نے اپنے کیرئیر میں جو کچھ حاصل کیا مجھے اس پر فخر ہے '۔
شعیب ملک نے مزید لکھا کہ' آپ بہت لوگوں کے لیے ایک انسپیریشن ہیں ، آپ اسی طرح مضبوط رہیں، ناقابل یقین کیرئیر پر ڈھیروں مبارکباد '۔ اب ثانیہ مرزا نے اپنے شوہر شعیب ملک کے ٹوئٹ پر جواب دیتے ہوئے لکھا کہ شکریہ اور ساتھ ہی مسکراہٹ والا ایموجی بھی شیئر کیا۔
Thank you ???? https://t.co/Di5ZBBWFOb
— Sania Mirza (@MirzaSania) January 29, 2023
اس سے قبل ثانیہ نے اتوار کی صبح انسٹاگرام پر ایک پوسٹ بھی شیئر کی تھی جس میں انہوں نے بتایا کہ انہیں گھر پہنچنے پر سرپرائز دیا گیا جسے دیکھ کر وہ حیران رہ گئیں۔
View this post on Instagram
خیال رہے کہ ثانیہ مرزا کیرئیر کا آخری انٹرنیشنل ایونٹ فروری میں دبئی میں کھیلیں گی۔ شعیب ملک اور ان کی اہلیہ بھارتی ٹینس اسٹار ثانیہ مرزا کے درمیان گزشتہ دنوں علیحدگی کی خبریں گرم تھیں تاہم اس حوالے سے دونوں کی جانب سے باضابطہ طور پر کوئی اعلان نہیں کیا گیا۔
