راجن پور(ڈیلی پاکستان آن لائن)مسلم لیگ ن کے صدر اور سابق وزیراعظم شہبازشریف کاکہنا ہے کہ آپ 8فروری کو شیر کو کامیاب کریں،ہماری حکومت بنی تو جنوبی پنجاب کو منی لاہور بنا دوں گا۔
راجن پور میں مسلم لیگ کے پاور شو سے خطاب کرتے ہوئے شہبازشریف نے کہاکہ میں نے سیلاب کے دنوں میں راجن پور کے لوگوں کی خدمت کی تھی،راجن پور میں سیلاب آیا تو ہر جگہ معائنے کیلئے گیا،میں نے اتنا بڑا سیلاب اور تباہی کبھی زندگی میں نہیں دیکھی تھی،سیلابی ریلے نے یہاں تباہی پھیلا دی تھی،ان کاکہناتھا کہ آج کوئی احسان جتانے نہیں آیا،آج 14سال پہلے کے سیلاب کے دلخراش واقعات یاد آ گئے ،سیلاب کے وقت مظفر گڑھ پہنچا تو پانی شہر میں داخل ہورہا تھا،راجن پور کے ہسپتال کا دوسرے صوبے کے ہسپتال سے موازنہ کریں۔
صدر ن لیگ نے کہاکہ 20دانش سکول بنائے جن میں 16جنوبی پنجاب میں بنائے،ڈی ایچ کیو ہسپتال کو بہترین بنایا، سی ٹی سکین مشین بھی لگوائی،4سال میں جنوبی پنجاب کو گل گلزار بنا دینا چاہئے تھا،ہماری حکومت رہتی تو جنوبی پنجاب کی تقدیر بدل چکی ہوتی،سیلاب میں جو کام کیا اس سے موازنہ کرلیں، فیصلہ آج ہی ہو جائے گا، رحیم یار خان میں بہترین یونیورسٹی بنائی جہاں ہزاروں طلبا تعلیم حاصل کررہے ہیں،پورے پنجاب میں لیپ ٹاپ دیئے،روزگار سکیم کے تحت گاڑیاں دی گئیں۔