پاکستانی نژاد جرمن پارلیمنٹیرین کا کینسر کیئر ہسپتال لاہور کے لیے عطیہ

لاہور ( ڈیلی پاکستان آن لائن )  پاکستانی نژاد جرمن  پارلیمنٹیرین وسیم بٹ نے کینسر کیئر ہسپتال اینڈ ریسرچ سنٹر لاہور کے چیئرمین پروفیسر ڈاکٹر شہریار  کو  امدادی چیک پیش کیا ۔

پروفیسر ڈاکٹر شہریار، جو کہ کینسر کیئر ہسپتال کے بانی اور چیئرمین ہیں، نے اس عطیہ کا شکریہ ادا کرتے ہوئے کہا کہ بیرون ملک سے آنے والے ایسے عطیات ہسپتال کی جدید مشینری، ادویات اور غریب مریضوں کے مفت علاج کیلئے بہت مددگار ثابت ہوتے ہیں۔ پاکستان میں کینسر کے مریضوں کی تعداد میں اضافہ ہو رہا ہے، اور ایسے اداروں کو  مدد کی اشد ضرورت ہے تاکہ ہر مریض کو بروقت اور معیاری علاج میسر ہو سکے۔

یہ عطیہ بیرون ملک مقیم پاکستانیوں کی محبت اور لگن کو ظاہر کرتا ہے۔