دیر:فائرنگ سے ایم پی اے کے بھائی،دو اہلکاروں سمیت 6 جاں بحق

دیر:فائرنگ سے ایم پی اے کے بھائی،دو اہلکاروں سمیت 6 جاں بحق
دیر:فائرنگ سے ایم پی اے کے بھائی،دو اہلکاروں سمیت 6 جاں بحق

  


لوئر دیر(مانیٹرنگ ڈیسک ) عیدالفطر کے موقع پر لوئردیرمیں نامعلوم افراد کی فائرنگ سے ممبر صوبائی اسمبلی بخت بیدار خان کے بھائی اور دو پولیس اہلکاروں سمیت 6 افراد جاں بحق ہوگئے۔تفصیلات کے مطابق لوئردیر کے علاقے چک درہ میں نامعلوم افراد نے چاندرات کو ایم پی اے بخت بیدار خان کے حجرے پر فائرنگ کر دی جس کے نتیجے میں بخت بیدارخان کے بھائی اسحاق ، دوپولیس اہلکار اور تین مہمان جاں بحق ہوگئے ہیں۔ حملے کی اطلاع ملتے ہی پولیس اور سیکیورٹی اداروں کی بھاری نفری موقع پر پہنچ گئی اور علاقے کی ناکہ بندی کردی جبکہ جاں بحق افراد کی لاشیں مقامی ہسپتال منتقل کردی گئی ہیں۔ حملے کے وقت قومی وطن پارٹی خیبرپختونخوا ہ کے سیکرٹری بخت بیدارخان گھر پر موجود نہیں تھے۔

مزید : دیر /اہم خبریں