گوجر خان میں سابق شوہر نے خاتون کے جسم کا اہم حصہ کاٹ دیا 

گوجر خان میں سابق شوہر نے خاتون کے جسم کا اہم حصہ کاٹ دیا 
گوجر خان میں سابق شوہر نے خاتون کے جسم کا اہم حصہ کاٹ دیا 

  

 راولپنڈی(ڈیلی پاکستان آن لائن ) گوجر خان میں سابق شوہر نے خاتون کو تشدد کا نشانہ بنانے کے بعد اس کی ناک کاٹ ڈالی۔

نجی ٹی وی ایکسپریس نیوز کے مطابق میر پور آزاد کشمیر سے تعلق رکھنے والی 32 سالہ مریم بی بی اپنی عزیزہ کے گھر گوجر خان کے گاو¿ں دلمی آئی ہوئی تھی کہ وہاں اس کا سابق شوہر ساتھیوں کے ساتھ آدھمکا، دونوں کے درمیان جھگڑا ہوا، بات بڑھنے پر سابق شوہر نے تشدد کرتے ہوئے اس کی ناک کاٹ دی اور فرار ہوگیا۔ خاتون کو زخمی حالت میں ہسپتال منتقل کردیا گیا ہے جہاں اس کی حالت خطرے سے باہر بتائی جارہی ہے۔

پولیس کا کہنا ہے کہ واقعے کا مقدمہ درج کرلیا گیا ہے اورملزم کی گرفتاری کے لیے چھاپے مار جارہے ہیں۔خاتون پر تشدد وناک کاٹے جانے کے واقعہ کی اطلاع پر سی پی او راولپنڈی محمد احسن یونس نے واقعے کا نوٹس لیتے ہوئے ایس پی صدر کو فوری مقدمہ درج کرکے ملزم کی جلد از جلد گرفتاری کا حکم دیا ہے۔ انہوں نے کہا ہے کہ خواتین پر تشدد، زیادتی اور استحصال قطعاً ناقابل برداشت ہے، ایسے گھناو¿نے جرائم میں ملوث ملزمان کے خلاف راولپنڈی پولیس زیرو ٹالیرنس پر عمل پیرا ہے۔ اس افسوسناک واقعے کے ذمہ دار سفاک ملزم کو گرفتار کرکے قرار واقعی سزا دلوائی جائے گی۔

مزید :

جرم و انصاف -