میلسی، پی ٹی آئی رکن قومی، صوبائی اسمبلی کیخلاف مقدمہ درج

لاہور(این این آئی) اینٹی کرپشن نے میلسی سے پی ٹی آئی رکن قومی اسمبلی اور رکن پنجاب اسمبلی پر مقدمہ درج کرلیا اینٹی کرپشن کے مقدمہ میں دونوں بھائیوں اورنگزیب کھچی اور جہانزیب کھچی پر سرکاری رقبہ پر قبضہ و فروخت کا الزام عائد کیا گیا ہے، مقدمے میں پٹواری ثقلین شاہ،افتخار کھچی اور فرنٹ مین قیصر عباس کا نام بھی شامل ہے ایف آئی آر کے متن میں بتایا گیا کہ ایم این اے اور ایم پی اے پر سیاسی اثرر و رسوخ کے استعمال اور سرکاری ملازمین سے ساز باز ہونے کا الزام ہے، دونوں بھائیوں پر محکمہ اوقاف کی زیر انتظام خالصہ کالج ملحقہ بوائز کالج کی متروکہ جگہ 17کنال پر غیر قانونی سڑک تعمیر کرنے کا بھی الزام عائد کیاگیا ہے مقدمہ میں لکھا گیا کہ ملزمان نے غیر قانونی پختہ سڑک تعمیر کر کے اپنے نجی ٹاؤن کی کمرشل ویلیو بڑھانے میں فائدہ پہنچایا جس سے سرکار کو کروڑوں روپے کا نقصان پہنچنے کا اندیشہ ہے، اینٹی کرپشن نے مزید انکوائری شروع کر دی۔

مقدمہ درج