بھارتی حکام نے مقبوضہ جموں وکشمیرکو تقسیم کر دیا،محبوبہ مفتی
سرینگر (این این آئی) غیر قانونی طور پر بھارت کے زیر قبضہ جموں و کشمیر میں پیپلز ڈیموکریٹک پارٹی کی صدر محبوبہ مفتی نے دفعہ370 کی منسوخی کے بعد سے قابض حکام کی کامیابیوں پر سوال اٹھایا ہے۔کشمیر میڈیا سروس کے مطابق سرینگر میں پارٹی کارکنوں سے خطاب کرتے ہوئے انہوں نے کہا بھارتی حکام نے مقبوضہ جموں وکشمیرکو تقسیم کر دیا جس کے نتیجے میں علاقے کے لوگوں کو مشکلات کا سامنا ہے۔ گزشتہ پانچ سالوں میں حکام نے کیا حاصل کیا؟ لداخ او رجموں کے لوگ بھی تکلیف میں ہیں۔ جموں معیشت کا مرکز ہوا کرتا تھا لیکن آج ان کو مشکلات کا سامنا ہے،(بقیہ نمبر3صفحہ7پر)
کشمیر کے لوگ گھٹن محسوس کرتے ہیں۔ گزشتہ پانچ سالوں میں حکومت کی کامیابی یہ ہے کہ شمالی کشمیر کے لوگوں نے حال ہی میں منعقدہ پارلیمانی انتخابات میں حق خود ارادیت کے حق میں ووٹ دیا۔دفعہ370 کی منسوخی کے بعد سے حکام نے لوگوں کے خلاف غیر قانونی سرگرمیوں کی روک تھام کے قانون یواے پی اے اور پبلک سیفٹی ایکٹ جیسے کالے قوانین کا استعمال کیا ہے۔
محبوبہ مفتی
