سینئر صحافی جاوید اقبال ڈکیتی مزاحمت پر فائرنگ سے زخمی

سینئر صحافی جاوید اقبال ڈکیتی مزاحمت پر فائرنگ سے زخمی

کراچی (کرائم رپورٹر) خواجہ اجمیر نگری تھانے کی حدود نارتھ کراچی پاور ہاؤس چورنگی کے قریب نامعلوم موٹر سائیکل ملزمان کی فائرنگ سے سینئر صحافی اور نجی ٹی وی چینل کے اسپورٹس رپورٹر جاوید اقبال زخمی ہوگئے جنہیں طبی امداد کے لئے عباسی شہید اسپتال منتقل کردیا گیا۔ عینی شاہدین کے مطابق مضروب موٹر سائیکل سوار اپنی اہلیہ کے ساتھ کہیں جارہے تھے کہ ایک موٹر سائیکل پر سوار دو ملزمان نے انہیں روک کر چھینا جھپٹی شروع کردی اور مزاحمت کرنے پر ایک گولی پاؤں میں مار کر فرار ہوگئے۔ ملزمان مضروب اور ان کی اہلیہ سے موبائل فون، طلائی زیورات اور نقدی بھی چھین کر لے گئے۔ واقعہ کی اطلاع ملنے پر کراچی یونین آف جرنلسٹس (دستور) کے صدر افضال محسن، سیکریٹری حامد الرحمن اور اراکین مجلس عاملہ نے سینئر صحافی جاوید اقبال کی ڈکیتی میں زخمی ہونے پر شدید الفاظ میں مذمت کی ہے۔

مزید : راولپنڈی صفحہ آخر