آزاد الیکشن لڑنے کا فیصلہ اٹل ‘ ہار بھی گیا تو جیت ہوگی:زعیم قادری

آزاد الیکشن لڑنے کا فیصلہ اٹل ‘ ہار بھی گیا تو جیت ہوگی:زعیم قادری

  



لاہور (آن لائن) پاکستان مسلم لیگ ن کے ناراض رہنماء اور سابق صوبائی وزیر زعیم قادری نیب لاہور کے طلب کرنے پر نیب لاہور کے دفتر پہنچ گئے جہاں نیب لاہور کی تحقیقاتی ٹیم نے زعیم قادری سے صاف پانی سکینڈل کے حوالے سے مختلف سوالات اٹھائے جن کے بارے میں زعیم قادری نے نیب لاہور کی تحقیقاتی ٹیم کی جوابات فراہم کردئیے نیب لاہور نے زعیم قادری کو صاف پانی منصوبے کے حوالے سے فراہم کی جانے والی اراضی سے متعلق بے ضابطلگیوں پر طلب کر رکھا تھا زعیم قادری پر یہ بھی الزام ہے کہ ان کی اہلیہ اور قریبی رشتہ دار صاف پانی کمپنی کے ڈائریکٹرز رہ چکے ہیں واضح رہے کہ نیب لاہور نے زعیم قادری کو بدھ کے روز طلب کیا تھا لیکن زعیم قادری کے سسر کی وفات کے باعث وہ گزشتہ روز نیب لاہور پیش نہ ہو سکے۔ قبل ازیں میڈیا سے گفتگو کرتے ہوئے زعیم قادری نے کہا ہے کہ معلوم نہیں نیب والوں نے قمر الاسلام کو کیوں گرفتار کیا ہے ،میں نے کبھی بھی کسی کی سفارش نہیں کی اگر ثابت ہو جائے تو سیاست چھوڑ دوں گا ،انہوں نے کہا کہ میرا آزاد الیکشن کا فیصلہ اٹل ہے ،عوام جانتے ہیں میں جو فیصلہ کرتا ہوں اس پرقائم رہتا ہوں ،انہوں نے کہا کہ اگر الیکشن ہار بھی گیا تو اس میں بھی میری جیت ہی ہوگی ۔

زعیم قادری

مزید : صفحہ آخر


loading...