رکن سندھ اسمبلی کی بہن کی ٹک ٹاک ویڈیو وائرل،سندھ اسمبلی میں کیا کر رہی تھیں؟بہن کو مشکل میں ڈال دیا
کراچی(ڈیلی پاکستان آن لائن )رکن سندھ اسمبلی دعابھٹو کی بہن اور ٹک ٹاک سٹار اقرا بھٹو نے سندھ اسمبلی کی لابی میں ٹک ٹاک ویڈیو بناکر سوشل میڈ یا پر شیئر کردی ۔تحر یک انصاف کی رکن اسمبلی دعا بھٹو نے اپنی بہن کی غلطی پر وضاحت دیتے ہوئے کہا کہ بہن سے انجانے میں غلطی ہوئی۔سندھ اسمبلی کی لابی میں اقرا بھٹو نے اپنی ٹک ٹاک ویڈیوز بنا کر شیئر کردیں۔ویڈیوز سامنے آنے کے بعد سوالات اٹھنے لگے کے مہمانوں کو سندھ اسمبلی کی لابی میں ویڈیوز بنانے کی اجازت کیسے دی جا سکتی ہے ۔سیاسی اور سماجی حلقوں کی جانب سے اٹھنے والے سوالات پر پی ٹی آئی کی رکن سندھ اسمبلی دعا بھٹونے وضاحتی بیان میں کہا میری بہن کو معلوم نہیں تھا کہ اس کرسی پر بیٹھ کر ویڈیو نہیں بنانی اور یہ سندھ اسمبلی کے ہال کی ویڈیو نہیں ہے بلکہ مہمانوں کی لابی کی ویڈیو ہے، اگر مجھے معلوم ہوتا کہ اقرا بھٹو نے اپنے موبائل سے یہاں بیٹھ کر ویڈیو بنائی ہے تو میں کبھی بھی اس کو اپلوڈ کرنے کی اجازت نہ دیتی۔رکن سندھ اسمبلی دعا بھٹو نے مزید کہا کہ اپنی چھوٹی بہن نے کی اس حرکت پر میں آپ سب لوگوں سے معذرت خواہ ہوں۔
ٹک ٹاک کا بخار سندھ اسمبلی پہنچ گیا
ایک خاتون رکن اسمبلی دعا بھٹو کی رشتہ دار کی اسمبلی میں ٹک ٹاک ویڈیو بنا کر اپنے اکاؤنٹ پر شئیر کردی
وڈیو وائرل ہوگئی pic.twitter.com/Ugj2W9tzHr
— IA Rajpoot (@ia_rajpoot) June 29, 2020
ٹک ٹاک کا بخار سندھ اسمبلی پہنچ گیا
ایک خاتون رکن اسمبلی کی رشتہ دار کی اسمبلی میں ٹک ٹاک ویڈیو بنا کر اپنے اکاؤنٹ پر شئیر کردی
وڈیو وائرل ہوگئی pic.twitter.com/t7K8HItp3F
— RegionalTelegraph (@RegnlTelegraph) June 29, 2020
