لاہور بم دھماکہ نیشنل ایکشن پلان کو ناکام بنانیکی سازش ہے،مسعود صدیقی

لاہور بم دھماکہ نیشنل ایکشن پلان کو ناکام بنانیکی سازش ہے،مسعود صدیقی

لاہور (پ ر) گلشن اقبال پارک میں خود کش حملے کی شدیدالفاظ میں مذمت کرتے ہوئے امیر تنظیم مشائخ عظام پاکستان،چےئرمین بین المذاہب امن اتحاد پاکستان صوفی مسعود احمد صدیقی نے کہا کہ یہ حملہ نیشنل ایکشن پلان کو ناکام بنانے کی سازش ہے ،جسے ہر گز برداشت نہیں کیا جائے گا،اقبال پارک خودکش حملے کی جنتی مذمت کی جائے کم ہے دین اسلام ، پاکستان اور انسانیت کے دشمن آخری سانسیں لے رہے ہیں ،اور انشاء اللہ بہت جلد آپریشن ضرب عضب کی بدولت اس پاک سرزمین سے ان درندوں کا صفایا ممکن ہوگا،موجودہ حالات اور دہشت گردی کیخلاف اس جنگ میں پوری قوم پاک افواج کا ساتھ شانہ بشانہ کھڑی ہے ، انہوں نے کہا کہ گلشن اقبال پارک میں موثر سیکیورٹی نہ ہونا ضلعی انتظامیہ کی نااہلی کا منہ بولتا ثبوت ہے۔ اب تک ہزاروں معصوم جانیں دہشت گردی کی بھینٹ چڑھ چکی ہیں مگر پاک افواج نے جس بہادری سے طالبان کیخلاف آپریشن ضرب عضب میں کامیابی حاصل کی اور دہشت گردوں کے نیٹ ورک کوتباہ کیا س کی مثال نہیں۔

مزید : میٹروپولیٹن 1