پورے پنجاب میں آپریشن ہونا چاہیے، حکمران نیشنل ایکشن پلان پر عملدرآمد میں رکاوٹ ہیں: چودھری شجاعت

پورے پنجاب میں آپریشن ہونا چاہیے، حکمران نیشنل ایکشن پلان پر عملدرآمد میں ...

لاہور (مانیٹرنگ ڈیسک) مسلم لیگ قائد اعظم کے مرکزی صدر چوہدری شجاعت حسین نے کہا صرف جنوبی پنجاب نہیں پورے پنجاب میں آپریشن ہونا چاہیے۔ حکمران نیشنل ایکشن پلان پر عملدرآمد میں رکاوٹ ہیں۔مسلم لیگ قائد اعظم کے صدر چوہدری شجاعت حسین شیخ زید ہسپتال میں سانحہ گلشن اقبال پارک کے زخمیوں کی عیادت کے لئے پہنچے۔ پنجاب میں نیشنل ایکشن پلان کے ایک نکتے پر بھی عمل نہیں ہو رہا۔ حکمران خود رکاوٹ ہیں۔ چوہدری شجاعت حسین کا کہنا تھا کہ حکمرانوں کو صرف اپنی جان کی فکر ہے۔ خفیہ اداروں نے تین چار روز پہلے اطلاع دیدی مگر پھر بھی کچھ نہیں کیا گیا۔ پورے پنجاب میں آپریشن کا بھی کہہ دیا۔ چوہدری شجاعت حسین کا کہنا تھا کہ نیشنل ایکشن پلان پر صرف سندھ میں عمل ہوا اور اس باعث وہاں حالات میں بہتری آئی ہے۔

مزید : صفحہ آخر