مصری ایئر لائن کا طیارہ ہائی جیک کرنے والے ’عاشق ‘ نے سنائپرز میں گھرا دیکھ کر خود پولیس کے حوالے کر دیا

مصری ایئر لائن کا طیارہ ہائی جیک کرنے والے ’عاشق ‘ نے سنائپرز میں گھرا دیکھ ...
مصری ایئر لائن کا طیارہ ہائی جیک کرنے والے ’عاشق ‘ نے سنائپرز میں گھرا دیکھ کر خود پولیس کے حوالے کر دیا

  


نکوسیا(مانیٹرنگ ڈیسک) مصری ایئر لائن کا طیارہ ہائی جیک کرنے والے ناکام عاشق نے خود کو سنائپرز میں گھرا ہوا دیکھ کر پولیس کے سامنے سرینڈر کردیا۔تفصیلات کے مطابق جہاز کو ہائی جیک کرنے والا شخص دہشتگرد نہیں بلکہ ایک ناکام عاشق تھا اور اس نے اپنی سابق اہلیہ سے ملاقات اور پیغام پہنچنانے کے لیے طیارہ ہائی جیک کیا جس کی تصدیق مصر کی سول ایوی ایشن نے بھی کردی اور کہاکہ ’طیارہ ہائی جیک کرنیوالا دہشتگرد نہیں بلکہ بے وقوف تھا‘اور اس کی خود کش جیکٹ بھی نقلی تھی۔

غیر ملکی میڈیا کے مطابق اسکندریہ کے برج العرب ایئرپورٹ سے قاہرہ کیلئے روانہ ہونے والی ایئربس ایم ایس 181 کے پائلٹ عمر الجمل کو ایک مسافر نے دھمکی دی کہ میرے پاس خود کش جیکٹ موجود ہے لہٰذا طیارے کو قبرص کے لارناکہ ایئرپورٹ پر اتار لو جس پر طیارے کو لینڈ کردیا گیا۔

ابراہیم سماہا ہے نامی مسلح مصری شہری نے اسکندریہ کے برج العرب ایئرپورٹ سے قاہرہ کیلئے روانہ ہونے والی ایئربس ایم ایس 181 کو ہائی جیک کرلیا تھا ۔ اس نے اپنی سابقہ بیوی کو ایک خط دینے کیلئے یہ سارا ڈھونگ رچایا، اس کی سابقہ بیوی قبرص کے شہر لارناکا میں رہتی ہے اور اس نے اسی لیے لارناکا میں ہی طیارے کو لینڈ کرایا جس کے بعد تمام افراد کو چھوڑ دیا جبکہ 4 غیر ملکیوں اور عملے کے 8 افراد کو یرغمال بنائے رکھا۔

جس کے بعد 4سکیورٹی اہلکار طیارے میں داخل ہونے میں کامیاب ہوگئے اور کئی گھنٹے کی تگ و دو کے بعداسلحہ لیےجانے کے بعد ہائی جیکرنے خود کو پولیس کے حوالے کردیا جسے

حراست میں لے کر تفتیش شروع کردی گئی ۔

مزید : بین الاقوامی