پشاور زلمی کے مالک کا سپیشل اولمپکس کے فاتحین کیلئے انعام کا اعلان

پشاور زلمی کے مالک کا سپیشل اولمپکس کے فاتحین کیلئے انعام کا اعلان

  

اسلام آباد(( آن لائن )اسلام آباد میں پشاور زلمی اور پشاور زلمی فاؤنڈیشن کے مالک جاوید آفریدی کی جانب سے آسٹریا میں ہونیوالے اسپیشل اولمپکس ورلڈ انٹر گیمز میں میڈلز جیتنے والے پاکستانی ایتھلیٹ کے اعزاز مین تقریب کا اہتمام کیا گیا۔جاوید آفریدی نے میڈلز جیتنے والے ایتھلیٹ کو پاکستانی ہیروز قرار دیتے ہوئے کہا کہ پشاور زلمی کی جانب سے ان بچوں کی حوصلہ افزائی کا سلسلہ مستقبل میں بھی جاری رہے گا۔اس موقع پر ایونٹ میں سولہ میڈلز جیتنے والے ایتھلیٹس کو پشاور زلمی فاؤنڈیشن کی جانب سے جاوید آفریدی نے فی کس ایک لاکھ روپے انعام دیا۔جبکہ کوچز اور دیگر اسٹاف کو بھی انعامات سے نوازا گیا ،چیئرمین پشاور زلمی جاوید آفریدی نے کہا کہ ملک کا نام روشن کرنیوالے یہ ایتھلیٹس ہمارے اصل ہیروز ہیں کن کی قدر اور حوصلہ افزائی حکومت کے ساتھ ہر سطح پر ضرور کی جانی چاہئیے۔پشاور زلمی دوبارہ اپنے عزم کا اظہار کرتی ہے وہ اپنی آمدنی کا بڑا حصہ کھیلوں کے فروغ اور کھلاڑیوں کی حوصلہ افزائی کے لیے وقف کرے گی حکومت اور دیگر اداروں کو بھی قومی جذبے کے تحت آگے بڑھ کر ملک کا نام روشن کرنیوالے ان ایتھلیٹس کی عزت افزائی کرنی چاہئیے۔ جاوید آفریدی نے اعلان کیا ہے کہ گولڈ مڈلسٹ بچوں کو آئندہ سال ہونیوالے پاکستان سپر لیگ تیسرے ایڈیشن میں پشاور زلمی کے ساتھ دبئی لیجایا جائیگا اور یہ ہمارے خصوصی مہمان کی حیثیت سے پاکستان سپر لیگ میں چیمپین پشاور زلمی کی ٹیم کے ہمراہ ہوں گے ۔

مزید :

کھیل اور کھلاڑی -