عمر اکمل نے چھکوں ، چوکوں کی بارش کردی

لاہور(سپورٹس رپورٹر)دورہ ویسٹ انڈیزکیلئے مکمل فٹ نہ ہونے کے جواز پر ڈراپ کئے جانے والے مڈل آرڈریٹسمین عمراکمل نے کلب میں شاندار ڈبل سنچری اسکورکرکے ٹیم سے باہر ہونے کا غصہ اتار دیاہے۔ عمراکمل نے ماڈل ٹاؤن علی گڑھ گراؤنڈمیں کرکٹ سینٹرکی جانب سے کھیلتے ہوئے چالیس اوورزفی اننگزکے میچ میں 26چوکوں اور 10چھکوں سمیت 119گیندوں پر 225رنزکی دھواں دار اننگز کھیلی تاہم ان کی یہ اننگز لسٹ اے میچوں میں شمارنہیں ہوگی۔ عمراکمل کی ڈبل سنچری کی بدولت کرکٹ سینٹر نے اس میچ میں مقررہ چالیس اوورزمیں 393رنزکا مجموعہ حاصل کیا۔واضح رہے کہ عمراکمل اس سے قبل بھی کلب کرکٹ میں ڈبل سنچری اسکورکرچکے ہیں۔
جب وہ 275رنز کی اننگز کھیلنے میں کامیاب رہے تھے۔