مسجد حرام میں بیگ کھول کرسامان کی تلاشی کا جھنجٹ ختم، ’سی تھرو‘ بیگ تیارکرلیا گیا

مسجد حرام میں بیگ کھول کرسامان کی تلاشی کا جھنجٹ ختم، ’سی تھرو‘ بیگ ...
مسجد حرام میں بیگ کھول کرسامان کی تلاشی کا جھنجٹ ختم، ’سی تھرو‘ بیگ تیارکرلیا گیا

  

مکہ مکرمہ(این این آئی)حرمین شریفین کے نگراں ادارے نے زائرین ومعتمرین کے سامان کی سہولت کے لیے ایک نیا اور ’سی تھرو‘ بیگ تیار کیا ہے۔ سی تھرو بیگ میں رکھی گئی اشیاء انہیں کھولے بغیر دیکھی جاسکیں گی۔عرب ٹی وی کے مطابق ٹرانسپیرنٹ بیگوں کی تیاری سے نہ صرف زائرین کو سہولت ہوگی بلکہ چیکنگ کرنے والا عملہ بھی کم وقت میں باہر ہی سے بیگوں کے اندر رکھی اشیاء کو بیگ کھولے بغیر چیک کرسکیں گے۔ ان بیگوں میں رکھی کافی، کھجور اور دیگر اشیاء باہر سے دیکھی جاسکیں گی۔

ٹروکالر کی نئی ایپلیکیشن متعارف، گوگل ڈو کیساتھ انضمام کا بھی اعلان

ماہ صیام میں ان بیگوں کو افطاری کا سامان لانے کے لیے بھی استعمال کیا جاسکے گا۔سی تھرو بیگوں کا افتتاح گذشتہ روز حرمین شریفین کے امور کے سربراہ الشیخ عبدالرحمان السدیس نے کیا۔ رمضان المبارک سے قبل زائرین یہ بیگ حاصل کرسکیں گے۔مسجد حرام کے ابواب(دروازوں) کے امور کے ڈائریکٹر محمد باتی کا کہنا تھا کہ سی تھرو بیگ مسجد حرام کے داخلی دروازوں کے باہر معتمرین اور زائرین کو فراہم کیے جائیں گے۔

مزید :

عرب دنیا -