کیاکورونا وائرس کا جراثیم ہوا میں بھی زندہ رہ سکتا ہے؟ ورلڈ ہیلتھ آرگنائزین نے واضح اعلان کردیا
جنیوا(ڈیلی پاکستان آن لائن)کیا کورونا وائرس کا جرثومہ ہوا میں زندہ رہ سکتا ہے؟ اگر یہ سوال ورلڈ ہیلتھ آرگنائزیشن سے کیا جائے تو عالمی ادارہ صحت کا جواب ہے نہیں، کیونکہ ڈبلیو ایچ اونے اعلان کیا ہے کہ ہے کورونا وائرس کا جراثیم ہوا میں زندہ نہیں رہ سکتا۔
سوشل میڈیا پر پھیلی فیک نیوز پر ردعمل دیتے ہوئے عالمی ادارہ صحت نے ٹویٹ کیاہے کہ کووڈ انیس یعنی کورونا وائرس ہوا میں اپنا وجود برقرار نہیں رکھ سکتا۔
عالمی ادارے کا مزید کہنا ہے کہ کورونا وائرس صرف اسی صورت میں پھیلتا ہے جب کوئی متاثرہ شخص چھینکتا ہے، کھانستاہے یا پھر بولتا ہے۔ ڈبلیو ایچ او نے ہدایت کی ہے کہ اپنے آپ کو بچانے کیلئے ضروری ہے کہ آپ دوسروں سے کم از کم ایک میٹر کا فاصلہ رکھیں۔ اچھی طرح ہاتھ دھوئیں اور اپنے چہرے، ناک، ہونٹ اور آنکھوں کو چھونے سے گریز کریں۔
FACT: #COVID19 is NOT airborne.
— World Health Organization (WHO) (@WHO) March 28, 2020
The #coronavirus is mainly transmitted through droplets generated when an infected person coughs, sneezes or speaks.
To protect yourself:
-keep 1m distance from others
-disinfect surfaces frequently
-wash/rub your ????
-avoid touching your ???????????? pic.twitter.com/fpkcpHAJx7
خیال رہے کہ دنیا بھر میں کورونا وائرس کے مصدقہ متاثرین ساڑھے چھ لاکھ سے بڑھ گئے ہیں جبکہ ہلاکتوں کی تعداد 30 ہزار سے زیادہ ہو گئی ہے۔ اس بیماری سے صحتیاب ہونے والوں کی تعداد ایک لاکھ 37 ہزار سے زیادہ ہے۔
امریکہ میں اس وائرس سے متاثرہ افراد کی تعداد ایک لاکھ سے زیادہ ہو چکی ہے جو چین سے زیادہ ہے۔ امریکہ میں کورونا سے 1500 سے زائد افراد ہلاک ہو چکے ہیں۔
دنیا میں ایک چوتھائی ممالک میں لاک ڈاؤن نافذ ہوچکا ہے جس میں کئی حکومتوں نے تمام کاروبار بند اور صرف ضروری اشیا کی دکانیں کھلی رکھنے کا حکم دیا ہے۔