پشاور، راولپنڈی، فیصل آباد، گوجرانوالہ لاہور ڈویژن میں ہلکی بارش کا امکان

لاہور(کامرس رپورٹر)محکمہ موسمیات نے کہا کہ آئندہ 24گھنٹوں کے دوران ملک کے بیشتر علاقوں میں موسم گرم اور خشک رہیگا۔ تاہم مالاکنڈ، ہزارہ، پشاور، کوہاٹ، راولپنڈی، فیصل آباد، سرگودھا، گوجرانوالہ، لاہور ڈویژن، فاٹا، گلگت بلتستان اور کشمیر میں بعض مقامات پر تیز ہواوٰں اور گرج چمک کیساتھ ہلکی بارش کا امکان ہے۔ گزشتہ24 گھنٹوں کے دوران ملک کے بیشتر علاقوں میں موسم گرم اور خشک رہا تاہم پشاور، مالاکنڈ، ڈی آئی خان اور قلات ڈویژن میں ایک دو مقامات پر گرج چمک کیساتھ بارش ہوئی۔ سب سے زیادہ بارش پاراچنار 25 ، دیر 04،لوئردیر، کالام، ڈی آئی خان اور خضدار میں 01 ملی میٹر ریکارڈ کی گئی۔ گزشتہ روز ریکارڈ کیے گئے گرم ترین مقامات کے درجہ حرارت دالبندین، موہنجوداڑو، شہید بینظیر آباد 45، نوکنڈی، لاڑکانہ،سبی، دادو 44 ڈگری سینٹی گریڈریکارڈ کیا گیا۔