قبائلی علاقوں کے تھانوں کی اکثر عمارتیں بوسیدہ،نئی تعمیرات کیلئے حکومت کو سفارشات ارسال کردیں،بابر بشیر
ڈیرہ غازیخان(بیورو رپورٹ)پولیٹیکل اسسٹنٹ ؍ کمانڈنٹ بی ایم پی و بلوچ لیوی ڈیرہ غازیخان بابر بشیر نے کہاہے کہ قبائلی علاقوں کے تھانوں کی اکثریت عمارتیں بوسیدہ ہو چکی ہیں . قبائلی عمائدین(بقیہ نمبر20صفحہ12پر )
نے بی ایم پی اور بلوچ لیوی کے تھانوں کی بہتر عمارتیں تعمیر کر کے دیں جو اب استعمال کے قابل نہیں رہیں . تھانوں کی نئی عمارتو ں کی تعمیر کیلئے حکومت کو سفارشات ارسال کر دی گئی ہیں . انہوں نے یہ بات قبائلی علاقہ کے تھانہ ہنگلوکچھ کے اچانک معائنہ کے دوران فورس اور عمائدین سے بات چیت کرتے ہوئے کہی . انہوں نے کہاکہ قبائلی علاقوں میں صحت اور دیگر بنیادی سہولیات کی بہتر فراہمی کیلئے ہر ممکن کردارادا کیا جائے گا . پی اے ٹرائیبل ایریا نے اس موقع پر قبائلی فورس کو امن وامان کے قیام ، سمگلنگ کی رو ک تھام اور جرائم پیشہ عناصر کے خلاف کارروائی کیلئے ضروری ہدایات جاری کیں ۔
