سپریم کورٹ آف پاکستان کے سابق چیف جسٹس ناصر الملک کی سوانح عمری

سپریم کورٹ آف پاکستان کے سابق چیف جسٹس ناصر الملک کی سوانح عمری

  



پشاور(نیوزرپورٹر)سپریم کورٹ آف پاکستان کے سابق چیف جسٹس ناصرالملک 17 اگست 1950 کو سوات کے شہر مینگورہ میں پیدا ہو ئے۔ ایبٹ آباد پبلک اسکول سے میٹرک اور ایڈورڈز کالج پشاور سے سے گریجویشن کیا۔ 1977 میں لندن سے بار ایٹ لاکرنے کے بعد پشاور میں وکالت شروع کی۔ 1981 میں پشاور ہائی کورٹ بار کے سیکرٹری اور 1991 اور1993 میں صدر منتخب ہو ئے۔4 جون 1994 کو پشاور ہائی کورٹ کے جج بنے اور31 مئی 2004 کو چیف جسٹس پشاور ہائی کورٹ کے عہدے پر فائز ہوئے۔5 اپریل 2005 کو انہیں سپریم کورٹ کا جج مقرر کیا گیا۔جسٹس ناصرالملک نے نہ صرف 3 نومبر 2007 کے پی سی او کے تحت حلف اٹھانے سے انکار کیا بلکہ وہ 3 نومبر کی ایمرجنسی کے خلاف حکم امتناع جاری کرنے والے سات رکنی بینچ میں شامل تھے۔پی سی او کے تحت حلف نہ اٹھاکر وہ معزول قرار پا ئے اور ستمبر 2008 میں پیپلز پارٹی کے دور حکومت میں دوبارہ حلف اٹھاکر جج کے منصب پر بحال ہوئے۔ جسٹس ناصر الملک پی سی او، این آر او اور اٹھارویں ترمیم کے خلاف درخواستوں کی سماعت کرنے والے بینچوں کا حصہ رہے۔ سابق وزیر اعظم یوسف رضا گیلانی کو توہین عدالت کے جرم میں سزا سنا نے والے بنچ کے سربراہ بھی وہی تھے جسٹس ناصر الملک پاکستان کے 22 ویں چیف جسٹس تھے جو 6 جولائی 2014 سے 16 اگست 2015 تک اس منصب پر فائز رہیں۔

مزید : پشاورصفحہ آخر


loading...