ایمرجنگ مارکیٹس گروپ نے پراپرٹی پورٹل مبوّب خریدلیا

ایمرجنگ مارکیٹس گروپ نے پراپرٹی پورٹل مبوّب خریدلیا

  



کراچی (پ ر) پاکستان کے سب سے بڑے پراپرٹی پورٹل زمین ڈاٹ کام کی پیرنٹ کمپنی ایمرجنگ مارکیٹس پراپرٹی گروپ (ای ایم پی جی)نے اعلان کیا ہے کہ اُس نے مراکش کا سب سے بڑا پراپرٹی پورٹل مبوّب خرید لیا ہے ۔اس ویب سائٹ کا آغاز دو انٹرپرینئیورکیون گورماند اور ٹونی پوئگ نے 2011ء میں کیا تھا۔مبوّب کا صدر دفتر کاسابلانکا میں واقع ہے ۔ اپنے قیام کے بعد سے یہ ادارہ مسلسل ترقی کے راستے پر گامزن ہے۔اس کے دائرہ کار مزید شہروں میں بھی پھیل چکا ہے اور اِس نے آمدنی سمیت تمام لحاظ سے بہترین ترقی کا مظاہرہ کیا ہے ۔ اس ویب سائٹ مراکش میں معروف برانڈ کے لحاظ سے پہچانی جاتی ہے اور 2015ء سے ٹی وی کی اشتہار مہمات بھی کر رہی ہے ۔ اس ویب سائٹ کے حصول سے ای ایم پی جی کا اِس خطے میں دائرہ کار مزید وسعت اختیار کر چکا ہے ۔واضح رہے کہ پاکستان کی سب سے بڑی رئیل اسٹیٹ ویب سائٹ زمین ڈاٹ کام ، دبئی کا معروف پراپرٹی پورٹل ’’بیوت ‘‘اور بنگلہ دیش کا پراپرٹی پورٹل ’’بی پراپرٹی ‘‘بھی ایمرجنگ مارکیٹس پراپرٹی گروپ کی ملکیت ہیں۔ایمرجنگ مارکیٹس پراپرٹی گروپ کے شریک بانی اور بین الاقوامی پھیلاؤ اور آپریشنز کے منتظم حیدر علی خان نے کہا کہ مبوّب کے بانی ہی اس پورٹل کی مراکش میں قیادت جاری رکھیں گے۔ہم اس ویب سائٹ کو سرمایہ ‘مہارت اور جدید ٹیکنالوجی فراہم کریں گے۔اُن کا کہنا تھا کہ ہمارا یقین ہے کہ اس ویب سائٹ کی اصل قوت اس کے لوگ ہیں اور ہمیں خوشی ہے کہ وہ اسی جذبے سے کام جاری رکھیں گے۔ٹونی اور کیون نے بہترین ٹیم بنائی ہے اور یہ وہ ٹیم ہے جو ایمرجنگ مارکیٹس پراپرٹی گروپ میں شمولیت کے بعد تیز ترقی کے نئے فیز میں کام کرنے کے حوالے سے سب سے بہترین ثابت ہوگی۔اُنہوں نے کہا کہ گروپ کی جانب سے مبوّب کو سرمایہ کاری اور مہارت مہیا کی جائیگی اور اِس سب کا ایک ہی مقصد ہوگا کہ یہ پورٹل تمام جہتوں میں ترقی کرے۔ ایمرجنگ مارکیٹس پراپرٹی گروپ کے چیئرمین ژیل بلانشاغ نے کہا کہ مراکش ایک بہترین مارکیٹ ہے جس میں زبردست صلاحیت موجود ہے اور ہم یہاں پر کام کرنے کے حوالے سے پرجوش ہیں۔ مبوّب کے سی ای او کیو ن گورماند نے کہا کہ مبوّب کی ٹیم ایمرجنگ مارکیٹس پراپرٹی گرو پ کے تجربے اور صلاحیتوں سے فائد ہ اُٹھانے کیلئے تیار ہے۔اُن کا کہنا تھا کہ ہم اس شراکت داری کے حوالے سے بہت پرجو ش ہیں جس سے ہمیں مراکش کی مارکیٹ میں مستقبل میں خاطر خواہ فائدہ ہوگا۔ایمرجنگ مارکیٹس پراپرٹی گروپ نے ایسی ہی مارکیٹس میں اپنی بہترین صلاحیتوں کے جوہر دکھائے ہیں اور ہمیں امید ہے کہ مراکش میں بھی یہ گروپ اپنی صلاحیتوں کا مظاہرہ کرے گا۔

مزید : راولپنڈی صفحہ آخر