دبئی سے 40 دنوں میں 121 لاشوں کی پاکستان منتقلی کا انکشاف، تفصیلات سامنے آگئیں

دبئی سے 40 دنوں میں 121 لاشوں کی پاکستان منتقلی کا انکشاف، تفصیلات سامنے آگئیں
دبئی سے 40 دنوں میں 121 لاشوں کی پاکستان منتقلی کا انکشاف، تفصیلات سامنے آگئیں

  

دبئی(ویب ڈیسک) دبئی میں پاکستان کے قونصل جنرل احمد امجد علی نے بتایاہے کہ گزشتہ 40 دنوں کے دوران پاکستانی قونصل خانے کے ذریعہ دبئی سے تقریبا 121 لاشیں خصوصی پروازوں کے ذریعے واپس وطن بھیج دی گئیں۔

وطن واپس بھیجی جانے والی لاشوں کاکووڈ19 وجوہات کی بناءپر انتقال نہیں ہوا۔ حفاظت اور احتیاطی تدابیر کی وجہ سے کووڈ 19 سے انتقال ہونے والے افراد کی لاشوں کو وطن واپسی کی اجازت نہیں ہے۔ وبائی امراض سے مرنے والے افراد کی آخری رسومات متحدہ عرب امارات میں انجام دی جاتی ہیں۔

احمد امجد علی نے کہا کہ دبئی سے پاکستان واپسی کے لئے چار سے پانچ مزید لاشوں کو بھیجنے پر غور ہورہا ہے۔ یہ عمل جاری ہے اور ہم ہر اگلی دستیاب پرواز میں زیادہ سے زیادہ لاشوں کو وطن واپس بھیج دیتے ہیں۔انہوں نے بتایا کہ متحدہ عرب امارات سے خصوصی پروازوں کے ذریعے 12ہزارکے قریب افراد وطن واپس آئے ہیں اور ان میں سے 8000 کے قریب نے پاکستان انٹرنیشنل ایئرلائنزکی 40 پروازوں کے ذریعے روانگی کی تھی۔

مزید :

عرب دنیا -