پاکستان نے بین الاقوامی پروازوں سے متعلق بڑا فیصلہ کر لیا ، نوٹم جاری

پاکستان نے بین الاقوامی پروازوں سے متعلق بڑا فیصلہ کر لیا ، نوٹم جاری
پاکستان نے بین الاقوامی پروازوں سے متعلق بڑا فیصلہ کر لیا ، نوٹم جاری

  

کراچی(ڈیلی پاکستان آن لائن ) پاکستان میں بین الاقوامی فضائی کمپنیوں کی پروازوں کو جزوی طور پر بحال کردیا گیا جس کا نوٹم جاری کردیا گیا ہے۔

نجی ٹی وی ایکسپریس نیوز کی رپورٹ کے مطابق حکومت پاکستان کی ہدایت پر سول ایوی ایشن اتھارٹی نے غیرملکی پروازوں کو پاکستانی ہوائی اڈوں پر لینڈنگ کی اجازت دے دی۔ تمام ائیرپورٹ پر غیر ملکی ایئرلائنز کے ایک ایک طیارے کو یومیہ لینڈنگ کی اجازت ہوگی جو پاکستان سے مسافروں کو لیکر روانہ ہوسکیں گی۔

29 غیرملکی ایئرلائنوں کو بین الاقوامی فضائی اجازت دی گئی ہے جن میں سے 25 ایئر لائنوں نے آپریشن فوری شروع کرنے کی حامی بھرلی ہے۔ سی اے اے شعبہ ایئر ٹرانسپورٹ نے اجازت کے حوالے سے باقاعدہ نوٹم جاری کردیا ہے جس کا اطلاق آج رات 12 بجے سے 30 جون تک ہے۔غیرملکی پروازیں بطور فیری فلائٹس (بغیرمسافروں کے جہاز)پاکستانی ایئر پورٹس پر اتریں گی اور یہاں سے مسافروں کو لے کر بیرون ملک روانہ ہوسکیں گی۔اس حوالے سے پروازوں کو معیاری طریقہ کار (ایس او پیز) پر عمل درآمد کرنا ہوگا اور سماجی فاصلے کی شرط پرعمل لازم ہوگا۔

مزید :

قومی -