اے این پی کے مرکزی رہنما غلام احمد بلور کرونا وائرس کا شکار لیکن اب ان کی حالت کیسی ہے؟ خاندانی ذرائع نے اندر کی بات بتادی

اے این پی کے مرکزی رہنما غلام احمد بلور کرونا وائرس کا شکار لیکن اب ان کی حالت ...
اے این پی کے مرکزی رہنما غلام احمد بلور کرونا وائرس کا شکار لیکن اب ان کی حالت کیسی ہے؟ خاندانی ذرائع نے اندر کی بات بتادی

  

پشاور(ویب ڈیسک) عوامی نیشنل پارٹی(اے این پی) کے مرکزی رہنما غلام احمد بلور کروناوائرس سے صحت یاب ہوگئے۔

اے آر وائی نیوز کے ذرائع کے مطابق اے این پی کے اہم رہنما غلام بلور کا کرونا ٹیسٹ منفی آگیا ہے، رمضان میں غلام احمد بلور میں مہلک وائرس کی تشخیص ہوئی تھی۔خاندان ذرائع نے تصدیق کی ہے کہ غلام احمد بلور کا دوبارہ ٹیسٹ کیا گیا جو منفی آگیا ہے۔

اس سے قبل متحدہ قومی موومنٹ پاکستان کی خاتون رکن سندھ اسمبلی منگلا شرما بھی کرونا وائرس سے متاثر ہوگئیں تھیں، ان کے شوہر کا ٹیسٹ بھی پازیٹو آیا اور دونوں نے خود کو گھر میں قرنطینہ کرلیا۔اس کے علاوہ سینیٹ کے دو ارکان سینیٹر مولانا عطا الرحمان، سینیٹر فدا محمد میں بھی کورونا وائرس کی تصدیق ہو گئی ہے، ذرائع کے مطابق سینیٹ سیکریٹریٹ نے دونوں سینیٹرز کو اجلاس میں شرکت سے روک دیا ہے۔خیال رہے کہ ملک میں کئی دیگر اہم شخصیات بھی وبائی مرض کا شکار ہوچکی ہیں۔

مزید :

علاقائی -خیبرپختون خواہ -پشاور -کورونا وائرس -