مسئلہ فلسطین مملکت کیلئے اولین معاملہ تھا اور اب بھی ہے، سعودی عرب 

مسئلہ فلسطین مملکت کیلئے اولین معاملہ تھا اور اب بھی ہے، سعودی عرب 

  

نیویارک(آئی این پی)سعودی عرب نے باور کرایا ہے کہ مسئلہ فلسطین مملکت کیلئے اولین معاملہ تھا اور اب بھی ہے۔ مملکت تمام وسائل اور راستوں سے فلسطینی عوام کی سپورٹ میں نہ کبھی جھجکی اور نہ آئندہ کبھی جھجکے گی۔ اس کا مقصد فلسطینیوں کو ان کے قانونی حقوق واپس دلانا اور 1967 کی حدود پر مکمل خود مختاری کی حامل ایک فلسطینی ریاست کا قیام ممکن بنانا ہے جس کا دارالحکومت مشرقی بیت المقدس ہے۔اقوام متحدہ میں سعودی عرب کے مستقل مندوب ڈاکٹر عبدالعزیز الواصل نے فلسطینی اراضی میں اسرائیلی استعماری پالیسی میں تیزی آنے پر گہری تشویش کا اظہار کیا۔ بالخصوص مقبوضہ بیت المقدس کے مشرقی حصے میں سیکڑوں فلسطینی گھرانوں کی ان کے گھروں سے بزور طاقت بے دخلی پر افسوس کا اظہار کیا۔ اس سلسلے میں قابض اسرائیلی حکام کو نسل پرست عدالتوں کا تعاون بھی حاصل ہے۔ سعودی مندوب نے ان مواقف کا اظہار جنیوا میں منعقد اقوام متحدہ کی انسانی حقوق کونسل کے خصوصی اجلاس سے خطاب کے دوران کیا۔ یہ اجلاس مقبوضہ فلسطینی اراضی میں اسرائیل کی جانب سے حالیہ خلاف ورزیوں کو زیر بحث لانے کے واسطے منعقد ہوا۔الواصل نے امن کو یقینی بنانے اور مقبوضہ فلسطینی اراضی میں متاثرین کو انسانی اور طبی امداد پہنچانے کیلئے تمام تعمیری کوششوں کا خیر مقدم کیا۔

عبدالعزیز الواصل

مزید :

صفحہ آخر -