آرمیناخان نے کیا واقعی اپنے جسم پر ٹیٹو بنوا رکھا ہے ؟ اداکارہ خود میدان میں آ گئیں ، تنقید کرنے والوں کو زور دار جواب دیتے ہوئے حقیقت بتا دی
لاہور (ڈیلی پاکستان آن لائن )پاکستانی اداکارہ آرمینا خان کی سوشل میڈیا پر تصویر وائرل ہو رہی ہے جس میں ایسا محسوس ہوتاہے کہ انہوں نے ٹانگوں پر ٹیٹوبنوا رکھا ہے لیکن اب انہو ں نے اس پر خاموشی توڑ دی ہے اور کہاہے کہ ٹیٹو نہیں ہے بلکہ ان کے لباس کا ڈیزائن ہے ۔
تفصیلات کے مطابق پاکستان کی معروف اداکارہ آرمینا خان نے وضاحت جاری کرتے ہوئے کہا کہ انہوں نے کوئی ٹیٹو نہیں بنوایا ہے ، ناقدین کو جواب دیتے ہوئے اداکارہ کا کہناتھا کہ ’’ اگر وہ میرے انتخاب سے نا خوش ہیں تو مجھے اکیلا چھوڑ دیں ، جہاں تک ٹیٹو بنوانے کی افواہوں کی بات ہے تو میں نے جسم پر کوئی ٹیٹو نہیں بنوا رکھاہے ۔اداکارہ کا کہناتھا کہ میں نے جو لباس پہن رکھا تھا اس کے ساتھ زیب تن کی گئی ’ سٹاکنگز‘ پر یہ ڈیزائن بنا ہوا ہے ۔‘‘
So humbled to receive a certificate for outstanding public service at #Burnley Town hall today ????????. Thank you Lord Wajid Khan and Lady Anam Khan for receiving my husband Fesl Khan and I today. pic.twitter.com/4aYjibMX5L
— Armeena ???? (@ArmeenaRK) May 21, 2021
یہاں یہ امر قابل ذکر ہے کہ اداکارہ نے اپنے ٹویٹر اکاﺅنٹ پر ایک تصویر شیئر کی تھی جس وہ اپنے شوہر کے ساتھ بیٹھی ہیں اور برطانیہ میں عوامی خدمات انجام دینے پر اعزازی سر ٹیفکیٹ حاصل کر رہی ہیں ، اس تصویر میں انہوں نے مغربی طرز کا لباس پہن رکھاہے جس کے ساتھ انہوں نے ٹانگوں پر ’ سٹاکنگز ‘ پہنی ۔ اس تصویر میں ایسا محسوس ہو رہاہے جیسے انہوں نے ٹانگوں پر ٹیٹو بنوایا ہواہے لیکن اب وہ اس معاملے پر بول پڑی ہیں اور کہاہے کہ یہ ٹیٹو نہیں بلکہ ڈیزائن ہے ۔
سوشل میڈیا پر یہ تصویر سامنے آنے پر اداکارہ پر سوالات کے ساتھ تنقید کا سلسلہ بھی چل نکلا ، ایک صارف نے کہا کہ ” کیا یہ ان کی ٹانگوں پر ٹیٹو ہے ، اگر نہیں تو پھر کیا چیز ہے “۔
اداکارہ نے جواب دیتے ہوئے کہا کہ ” ہاں میں ٹیٹوز سے بھری ہوئی ہیں اور اگلا ٹیٹو ’ کھوپڑی ‘ کا بنوانے جارہی ہوں ۔“
واضح رہے کہ یہ تصویر اس وقت وائرل ہوئی پاکستانی اداکارہ ارمینا رانا خان اور ان کے شوہر فیصل خان کو سماجی خدمات پر برطانیہ کے برنلے ٹاؤن کی مقامی حکومت نے سرٹیفیکٹس سے نوازا گیا تھا جس کی تصویر انہوں نے خود اپنے سوشل اکاونٹ پر شئیر کی تھیں۔