وفاقی وزیر توانائی حماد اظہر نے ادارہ شماریات کی رپورٹ اور جی ڈی پی ڈیٹا کے حوالے سے بڑا دعویٰ کردیا 

وفاقی وزیر توانائی حماد اظہر نے ادارہ شماریات کی رپورٹ اور جی ڈی پی ڈیٹا کے ...
وفاقی وزیر توانائی حماد اظہر نے ادارہ شماریات کی رپورٹ اور جی ڈی پی ڈیٹا کے حوالے سے بڑا دعویٰ کردیا 

  

اسلام آباد (ڈیلی پاکستان آن لائن)وفاقی وزیر توانائی حماد اظہر نے واضح کیا ہے کہ پاکستان کا ادارہ شماریات (پی بی ایس) خود مختار ادارہ ہے، اس کے ڈیٹا میں ٹیمپرنگ نہیں ہوسکتی۔

ڈاکٹر عشرت حسین کے ہمراہ صحافیوں سے غیر رسمی گفتگو کرتے ہوئے انہوں نے کہاکہ جی ڈی پی کے اعداد و شمار 9 ماہ کے ڈیٹا پر تیار کیے ہیں، جی ڈی پی کا ڈیٹا عالمی معیار کے مطابق اکٹھا کیا گیا ہے, پی بی ایس خود مختار ادارہ ہے، پی بی ایس کے ڈیٹا میں ٹیمپرنگ نہیں ہوسکتی۔وفاقی وزیر نے کہا کہ مسلم لیگ (ن) کے دور میں روپیہ کی قیمت اوور ویلیو تھی،نیشنل اکاؤنٹس کی ری بیسنگ کی جائے گی، نیشنل اکاؤنٹس کو 18-2017 کے ڈیٹا کی بنیاد پر ری بیس کیا جائے گا۔

اس موقع پر وزیر اعظم کے مشیر برائے ادارہ جاتی اصلاحات ڈاکٹر عشرت حسین کا کہنا تھا کہ جب ہم آئی ایم ایف پروگرام میں گئے تو آپشن محدود تھے،اب ہمارے پاس آپشن زیادہ ہیں، زرمبادلہ کے ذخائر بڑھ چکے ہیں، کرنٹ اکاؤنٹ خسارہ کم ہوچکا ہے ،  آئی ایم ایف سے قرض پروگرام پر دوبارہ بات چیت کریں گے۔

مزید :

قومی -