سٹی کورٹ کراچی میں شوہر کی فائرنگ سے خاتون شدید زخمی

کراچی (ڈیلی پاکستان آن لائن )سٹی کورٹ کراچی میں شوہر کی فائرنگ سے خاتون شدید زخمی ہو گئی ۔
کراچی پولیس حکام کے مطابق سٹی کورٹ میں فائرنگ سے زخمی ہونے والی خاتون صائمہ سول ہسپتال میں زیرِ علاج ہے۔ہسپتال حکام نے بتایا ہے کہ خاتون کا سول ہسپتال کے ٹراما سینٹر میں آپریشن جاری ہے، جس کی حالت انتہائی تشویش ناک ہے۔ہسپتال حکام کے مطابق گولی پیٹ کو چیرتی ہوئی جسم سے باہر نکلی ہے۔واضح رہے کہ خاتون نے شوہر کے خلاف خلع کا کیس دائر کر رکھا تھا۔پولیس کا یہ بھی کہنا ہے کہ فائرنگ کرنے والے ملزم کو گرفتار کر لیا گیا ہے۔