طاہر داوڑ کوکئی روز بھوکا ،پیاسا رکھا گیا،موت تشدد سے ہوئی

طاہر داوڑ کوکئی روز بھوکا ،پیاسا رکھا گیا،موت تشدد سے ہوئی

  



اسلام آباد (آئی این پی) افغانستان میں شہید کئے گئے ایس پی طاہر داوڑ کی پوسٹمارٹم رپورٹ اسلام آباد پولیس نے حاصل کرلی، رپورٹ کے مطابق طاہر داوڑ کے جسم پر گولی کا کوئی نشان نہیں،ان کی موت تشدد سے ہوئی،طاہر داوڑ کو کئی روز تک بھوکا اور پیاسا بھی رکھا گیا۔ پولیس ذرائع کے مطابق ایس پی طاہر داوڑ کے اغواء کے بعد قتل کی تحقیقات کیلئے قائم جے آئی ٹی کیلئے پوسٹمارٹم رپورٹ حاصل کرلی گئی ہے جو پشاور سے وصول کی گئی ہے۔ تشدد سے ایس پی کے بازو اور پاؤں کی ہڈیاں ٹوٹیں اور ان کی موت لاش ملنے سے چند روز قبل ہوئی، طاہر داوڑ کا معدہ خالی تھا انہیں کئی روز سے بھوکا اور پیاسا رکھا گیا تھا۔

طاہر داوڑ

مزید : صفحہ آخر


loading...