بھارت کو نہتے کشمیریوں کا قتل عام روک کر مذاکرات کی میز پر آنا ہو گا

پیپلز پارٹی کے مرکزی رہنما چودھری منظور احمد نے کہا ہے کہ کرتار پور راہدرای ایک اچھا اقدام ہے محترمہ بے نظیر بھٹو شہید نے بھی اپنے دور حکومت میں اس کو کھولنے کی بات کی تھی یہ بارہ کروڑ لوگوں کے لئے کام کیا گیا ہے جو کہ ایک اچھی بات ہے لیکن بھارت کو مقبوضہ کشمیر میں نہتے کشمیریوں کے قتل عام کو بھی روکنا ہو گا اور کشمیر کے مسئلے کے حل کے لئے میز پر بھی آنا ہو گا ۔ایشو آف دی ڈے میں بات کرتے ہوئے ان کا کہنا تھا کہ بلا شبہ پاکستان کے اس اقدام سے سکھوں میں ایک خوشی کی لہر دوڑ گئی ہے اور آج اسی فیصلے کی وجہ سے وہ پاکستان کے گیت گارہے ہیں پاکستان نے ایک اچھا قدم اٹھایا ہے اب بھارت کو بھی مسلہء کشمیر کے حل کے لئے سنجیدہ کوشیشں کرنا ہوں گی۔
چودھری منظور احمد