وزیراعظم عمران خان حکومت کی 100 روزہ کارکردگی پر آج قوم کو اعتماد میں لیں گے

وزیراعظم عمران خان حکومت کی 100 روزہ کارکردگی پر آج قوم کو اعتماد میں لیں گے
وزیراعظم عمران خان حکومت کی 100 روزہ کارکردگی پر آج قوم کو اعتماد میں لیں گے

  



اسلام آباد(ڈیلی پاکستان آن لائن) وزیراعظم عمران خان آج قوم کو اپنی حکومت کے 100 روزہ پلان پر عملدرآمد کے نتائج اور کارکردگی کے حوالے سے اعتماد میں لیں گے۔

واضح رہے کہ پاکستان تحریک انصاف (پی ٹی آئی) کی حکومت کے قیام کے 100 روز پورے ہوگئے ہیں اور وفاقی وزارتوں، ڈویژنز اور وزرانے اپنے اداروں اور محکموں کی رپورٹس وزیراعظم کو پیش کردی ہیں۔

وزیراعظم آج کنونشن سینٹر میں ہونے والی ایک تقریب میں قوم کو سادگی و کفایت شعاری مہم، نیا پاکستان ہاو¿سنگ منصوبے،گورننس، معاشی بہتری اور عام آدمی کے مسائل کے حل کے لیے کیے گئے حکومتی اقدامات سے آگاہ کریں گے۔وزیراعظم مختلف ٹاسک فورسز کی کارکردگی پر بھی بات کریں گے۔

ذرائع کے مطابق وزیراعظم صوبوں کے درمیان ہم آہنگی اور خارجہ پالیسی میں بہتری کے اقدامات سے بھی قوم کو آگاہ کریں گے۔دوسری جانب وزیراعظم پاک بھارت تعلقات میں بہتری کی کوششوں اور کرتارپور راہداری کھولنے کا بھی ذکر کریں گے۔

ذرائع کے مطابق وزیر اعظم کا کہنا ہے کہ تحریک انصاف کی حکومت نے ملک کی ترقی کی سمت کا تعین کردیا ہے اور عوام کو بنیادی سہولیات کی فراہمی اور معیار زندگی بلند کرنے کے منصوبے شروع کیے گئے ہیں جن کی بروقت تکمیل یقینی بنائی جائے گی۔

مزید : اہم خبریں /قومی /علاقائی /اسلام آباد


loading...